సీనియర్ హీరోయిన్ త్రిష వయస్సు ప్రస్తుతం 38 సంవత్సరాలు. అయితే తాజాగా, త్రిష పెళ్లికి సంబంధించిన మేటర్ ఒకటి తెలిసింది. త్వరలోనే త్రిష పెళ్లి చేసుకోబోతుందని తమిళ మీడియా వర్గాల్లో వార్తలు వస్తున్నాయి. తెలుగు, తమిళ భాషల్లో వరుస సినిమాలతో టాప్ హీరోయిన్‌గా కొనసాగిన త్రిష‌కు ప్రస్తుతం పెద్దగా అవకాశాలు అయితే లేవు. అందుకే, కొన్నాళ్ల క్రితమే పెళ్లి చేసుకునేందుకు త్రిష రెడీ అయింది.
కాగా వ్యాపారవేత్త వరుణ్ మణియన్‌ తో ఎంగేజ్‌మెంట్ కూడా చేసుకుంది. ఆ తర్వాత ఏం జరిగిందో తెలీదు గానీ, ఆ పెళ్లి మధ్యలోనే ఆగిపోయి.. చివరకు త్రిషను ఒంటరిని చేసింది. మధ్యలో కొన్ని సినిమాలు చేసినా మళ్ళీ పెళ్లి గురించి ఎప్పుడూ ప్రస్తావించలేదు. కానీ చాల నెలలు తరువాత త్రిష పెళ్లి అంటూ మళ్ళీ వార్తలు వస్తున్నాయి. అయితే, తన పెళ్లి గురించి త్రిష క్లారిటీ ఇచ్చేదాకా ఈ వార్తను నమ్మలేము.