డేర్ అండ్ డాషింగ్ డైరెక్టర్ పూరి జగన్నాథ్ ప్రస్తుతం క్రేజీ స్టార్ విజయ్ దేవరకొండతో ఫైటర్ సినిమా చేస్తున్నాడు. కరోనా దెబ్బకు అందరూ లాక్ డౌన్ లో ఉన్నారు. అయితే పూరి మాత్రం ఈ ఖాళీ సమయంలో కూడా ఓ స్టార్ హీరో కోసం ఇంట్రస్టింగ్ స్క్రిప్ట్ రాసాడట. ఈ ఖాళీ సమయం తనకు తాజాగా ఆలోచించడానికి అలాగే భిన్నమైన కథలను వ్రాయడానికి అద్భుతమైన అవకాశం అని పూరి ఆ మధ్య ఇచ్చిన ఇంటర్వ్యూలో చెప్పుకోచ్చాడు. అయితే తాజాగా పూరి స్క్రిప్ట్ పూర్తి చేశాడట. అన్నట్టు పూరి కథ రాసింది నాగార్జున కోసమే అని తెలుస్తోంది.
ఇప్పటికే నాగార్జున – పూరి కాంబినేషన్‌లో ‘శివ మణి’ అనే చిత్రం వచ్చింది. ఆ సినిమా ఫలితం ఎలా ఉన్నా.. ఆ సినిమాలో నాగ్ ను చాల కొత్తగా చూపించాడు పూరి. అందుకే పూరితో మరో సినిమా చేయడానికి తానూ ఎప్పుడూ రెడీనే అని ఆ మధ్య నాగ్ కూడా చెప్పుకొచ్చాడు. మొత్తానికి పూరి – నాగ్ సినిమా వచ్చే ఏడాదిలో ఉంటుంది అన్నమాట.