రజినీకాంత్ తరువాత రాబోయే 3D చిత్రం ‘కోచాడైయాన్’. ఈ చిత్రం ప్రకటించిన దగ్గరి నుండి ప్రాజెక్ట్ పై భారీ అంచనాలు నెలకొన్నాయి. రజినీకాంత్ కూతురు డైరెక్షన్ చేస్తున్న ఈ చిత్రానికి నటీనటుల్ని చాలా జాగ్రత్తగా ఎంపిక చేసుకుంటున్నారు. తాజా సమాచారం ప్రకారం ప్రముఖ సీనియర్ హీరోయిన్ శోభన ని ఎంపిక చేసుకున్నట్లు సమాచారం. భరతనాట్యం షోలతో బిజీగా ఉంటున్న ఆమె ఈ చిత్రంలో చేయడానికి అంగీకరించడం విశేషం. ఆమె గతంలో మణిరత్నం డైరెక్షన్లో వచ్చిన దళపతి చిత్రంలో రజినీకాంత్ తో కలిసి నటించారు. ప్రస్తుతం సౌందర్య మరియు రజినీకాంత్ కలిసి ముంబైలో రెహ్మాన్ తో ట్యూన్స్ కట్టించుకున్తున్నారు. రత్నవేలు సినిమాటోగ్రఫీ అందిస్తుండగా కె. ఎస్ రవికుమార్ స్క్రిప్ట్ అందిస్తున్నారు. ఈ చిత్రాన్ని తెలుగు, తమిళ, హిందీ భాషల్లో రూపొందించనున్నారు.