అందాల భామ రిచా గంగోపాధ్యాయ సెలిబ్రిటీ క్రికెట్ లీగ్ రెండవ భాగానికి (సిసిఎల్) కి కర్టెన్ రైసర్ గా చేయబోతుంది. వారం రోజుల్లో హైదరాబాదులో ప్రారంభం కానున్న ఈ వేదిక కోసం రిచా ఇటీవలే సాధన మొదలు పెట్టింది. 2011 లో తెలుగు తమిళ భాషల్లో పలు చిత్రాలు చేస్తూ బిజీగా మారినా రిచా ఈ వేదిక కోసం కాలు కదపనుంది. ప్రస్త్తుతం రిచా ప్రముఖ రచయిత కొరటాల శివ దర్శకుడిగా మారి చేయబోతున్న మొట్ట మొదటి చిత్రంలో ప్రభాస్ సరసన హీరోయిన్ గా నటిస్తుంది. ఈ చిత్ర మొదటి షెడ్యుల్ హైదరాబాదులో జరుగుతుంది. ఈ షెడ్యులులో రిచా షూటింగ్ భాగం పూర్తయింది. జనవరిలో ప్రారంభం కాబోయే వెంకటేష్-మెహెర్ రమేష్ చిత్రంలో కూడా నటించబోతున్నట్లు విశ్వసనీయ వర్గాల సమాచారం.