దగ్గుబాటి రానా తెలుగులో నటిస్తున్న చిత్రం ‘నా ఇష్టం’. ఇటీవలే అరకులో షూటింగ్ జరుపుకున్న ఈ చిత్రం, అక్కడే ఒక పాట చిత్రీకరణ జరుపుకుంది. ప్రస్తుతం రామోజీ ఫిలిం సిటీలో కొన్ని యాక్షన్ సన్నివేశాలు తీస్తున్నారు. ఈ చిత్రం త్వరగా పూర్తి కావడానికి రానా చాలా కష్టపడుతున్నాడు. ఈ షూటింగ్ పార్ట్ పూర్తయితే సినిమా దాదాపుగా పూర్తవుతుంది. జెనీలియా
హీరోయిన్ గా నటిస్తున్న ఈ చిత్రానికి ప్రకాష్ తోలేటి దర్శకత్వం వహిస్తున్నారు. నా ఇష్టం చిత్రాన్ని పరుచూరి కిరీటి నిర్మిస్తుండగా చక్రి సంగీతం అందిస్తున్నారు. రానా ఈ చిత్రం పూర్తయ్యాక క్రిష్ డైరెక్ట్ చేయబోయే ‘కృష్ణం వందే జగద్గురుం’ షూటింగ్ లో పాల్గొంటారు.