ఇంటర్నేషనల్ క్రికెట్ కౌన్సిల్ (ICC) రాబోయే వరల్డ్ టెస్ట్ చాంపియన్‌షిప్ ఫైనల్ కోసం చాలా పెద్ద మొత్తంలో విన్నింగ్ ప్రైజ్ మనీని ప్రకటించింది. 2023-25 WTC ఫైనల్ కోసం మొత్తం బహుమతి నిధి 5.76 మిలియన్ అమెరికన్ డాలర్లు (రూ. 49.27 కోట్లు) గా నిర్ణయించబడింది, ఇది గత రెండు టోర్నమెంట్ల కంటే రెండు రెట్లు ఎక్కువ అని చెప్పాలి.
ఈ సంవత్సరం టోర్నమెంట్ విజేతలకు 3.6 మిలియన్ డాలర్లు (రూ. 30.78 కోట్లు) అందజేయబడుతుంది. ఇది 2021 మరియు 2023 టోర్నమెంట్లలో ఇచ్చిన 1.6 మిలియన్ డాలర్ల కంటే చాలా ఎక్కువ. రన్నరప్‌కు 2.16 మిలియన్ డాలర్లు అంటే (రూ. 18.46 కోట్లు) లభిస్తాయి, ఇది గతంలో ఇచ్చిన 800,000 డాలర్ల కంటే చాలా ఎక్కువ.
ఇలా గత రెండు టోర్నమెంట్లలో ఫైనల్‌కు చేరిన భారత్ ఈసారి మూడో స్థానంలో నిలిచి, 1.44 మిలియన్ డాలర్లు (రూ. 12.32 కోట్లు) పొందుతుంది.
అయితే మిగిలిన టీమ్‌లకు కూడా కొంత నజరానా దక్కింది, వాటి డీటెయిల్స్ చూస్తే:
నాలుగో స్థానం (న్యూజిలాండ్): 1.2 మిలియన్ డాలర్లు
ఐదో స్థానం (ఇంగ్లాండ్): 9,60,000 డాలర్లు
ఆరో స్థానం (శ్రీలంక): 8,40,000 డాలర్లు
ఏడో స్థానం (బంగ్లాదేశ్): 7,20,000 డాలర్లు
ఎనిమిదో స్థానం (వెస్ట్ ఇండీస్): 6,00,000 డాలర్లు
తొమ్మిదో స్థానం (పాకిస్తాన్): 4,80,000 డాలర్లు
ఫైనలిస్ట్‌లు
దక్షిణాఫ్రికా WTC25 పోటీల్లో మొదటి స్థానంలో నిలిచి ఫైనల్‌కు చేరుకుంది. వాళ్ళు పాకిస్తాన్, వెస్ట్ ఇండీస్, బంగ్లాదేశ్ మరియు శ్రీలంకపై సిరీస్‌లు గెలిచారు, అలాగే భారత్‌తో హోమ్ సిరీస్‌లో డ్రా చేసుకున్నారు. ఇది దక్షిణాఫ్రికా మొదటి WTC ఫైనల్. వాళ్ళు ఇప్పటివరకు ICC టైటిల్ గెలవలేదు.
డిఫెండింగ్ చాంపియన్ ఆస్ట్రేలియా, భారత్‌ని బోర్డర్-గావస్కర్ ట్రోఫీలో 3-1తో ఓడించి రెండో స్థానంలో నిలిచి ఫైనల్‌కు చేరింది. వాళ్ళు పాకిస్తాన్‌ను హోమ్‌లో 3-0 తో ఓడించారు, న్యూజిలాండ్ మరియు శ్రీలంకపై అవే సిరీస్‌లు గెలిచారు. ఆస్ట్రేలియా ఇప్పుడు రెండుసార్లు WTC చాంపియన్ అవ్వాలని చూస్తోంది.
ఫైనల్ వివరాలు
మూడో WTC ఫైనల్ మ్యాచ్ లండన్‌లోని ప్రసిద్ధ లార్డ్స్ క్రికెట్ గ్రౌండ్‌లో ఈ జూన్ 11 నుంచి 15, 2025 వరకు జరుగుతుంది. “క్రికెట్ హోమ్” అని పిలిచే ఈ స్టేడియం ఫైనల్‌కు చాలా తగిన వేదిక అని చెప్పొచ్చు.
అధికారుల మాటలు
ICC చైర్మన్ జై షా మాట్లాడుతూ: “మేము ICC వరల్డ్ టెస్ట్ చాంపియన్‌షిప్ మూడో సీజన్‌లో చాలా రసవత్తరమైన పోటీని చూశాం. ఫైనలిస్టులు పోటీ చివరిలోనే నిర్ణయించబడ్డారు. చాలా మంచి ఆటగాళ్లు అద్భుతమైన ప్రదర్శనలు ఇచ్చారు. ఈ రెండు గొప్ప టీమ్‌ల మధ్య జరిగే ఫైనల్ క్రికెట్‌కు పండుగలా ఉంటుంది” అన్నారు.
దక్షిణాఫ్రికా కెప్టెన్ తెంబా బ‌వుమా మాట్లాడుతూ : “మేము వరల్డ్ టెస్ట్ చాంపియన్‌షిప్ ఫైనల్‌కు చేరుకోవడం చాలా సంతోషంగా ఉంది. ఇది ICC టైటిల్ గెలవడానికి మాకు మంచి ఛాన్స్. లార్డ్స్ చాలా గొప్ప స్టేడియం, మేమందరం ఆస్ట్రేలియాతో మా బెస్ట్ ఆటను ఆడతాం” అని తెలిపాడు.
ఇక ఆస్ట్రేలియా కెప్టెన్ పాట్ కమ్మిన్స్ మాట్లాడుతూ : “మేము వరల్డ్ టెస్ట్ చాంపియన్‌షిప్‌ను మళ్లీ లార్డ్స్‌లో డిఫెండ్ చేసే అవకాశం ఉన్నందుకు చాలా గర్వంగా ఉంది. గత రెండేళ్లుగా ఫైనల్‌కు చేరుకోవడానికి కష్టపడి పనిచేసిన అందరికీ ఇది గొప్ప నిదర్శనం” అని తెలిపాడు.
బహుమతి మొత్తంలో ఈ భారీ హైక్, ICC టెస్ట్ క్రికెట్ పట్ల తన నిబద్ధతను చూపించింది అని చెప్పవచ్చు. అలాగే టెస్ట్ ఫార్మాట్ టోర్నమెంట్‌ను కొత్త ఆర్థిక స్థాయికి తీసుకెళుతూ, పాల్గొనే దేశాలకు రానున్న రోజుల్లో మరింత ప్రతికూలత లభించేలా చేస్తోంది.
