మాస్ రాజా రవితేజ నటిస్తున్న లేటెస్ట్ చిత్రం ‘మాస్ జాతర’ కోసం ప్రేక్షకులు ఎంతో ఆసక్తిగా ఎదురుచూస్తున్నారు. ఈ సినిమాను దర్శకుడు భాను బోగవరపు డైరెక్ట్ చేస్తుండగా ఔట్ అండ్ ఔట్ యాక్షన్ ఎంటర్‌టైనర్‌గా ఈ సినిమాను రూపొందిస్తున్నారు. ఈ సినిమాను అక్టోబర్ 31న గ్రాండ్ రిలీజ్ చేసేందుకు చిత్ర యూనిట్ రెడీ అవుతోంది.
ఈ క్రమంలో ఈ చిత్ర ప్రమోషన్స్‌ను మొదలుపెట్టేందుకు మేకర్స్ సిద్ధమయ్యారు. ఇందులో భాగంగా బుల్లితెరపై దూసుకెళ్తున్న బిగ్ బాస్ తెలుగు సీజన్ 9లో ‘మాస్ జాతర’ టీమ్ సందడి చేయబోతున్నట్లు తెలుస్తోంది. దీపావళి ట్రీట్‌గా ఈ వీకెండ్‌లో బిగ్ బాస్ హౌజ్‌లో మాస్ జాతర టీమ్ సందడి చేయనుంది.
దీంతో అక్కినేని నాగార్జునతో రవితేజ ఎలాంటి సందడి చేయబోతున్నాడా అని అభిమానులు ఆసక్తిగా చూస్తున్నారు. ఇక మాస్ జాతర చిత్రంలో యంగ్ బ్యూటీ శ్రీలీల హీరోయిన్‌గా నటిస్తోంది.