ప్రభాస్ చాలా సైలెంట్‌గా వర్క్ చేస్తున్నారు. రాధాకృష్ణ కుమార్ డైరెక్షన్లో ఆయన చేస్తున్న చిత్రం పనులు చకచకా జరుగుతున్నాయి. జనవరి చివరిలో 3వ షెడ్యూల్ పూర్తిచేసిన టీమ్ తాజాగా మరొక షెడ్యూల్ ముగించింది. ఇందులో ఒక అందమైన చేజింగ్ సీన్ షూట్ చేశామని తెలిపారు రాధాకృష్ణ కుమార్. ఈ చేజింగ్ సీన్ కోసం ఇంటర్నేషనల్ క్రూ వర్క్ చేశారు. ఇక త్వరలో యూరప్ షెడ్యూల్ మొదలుపెట్టనున్నారు. ఈ షెడ్యూల్ ఎక్కువ రోజులే జరగనుంది.
త్వరలోనే ఈ విషయమై ప్రభాస్ నుండి నేరుగా అప్డేట్ వచ్చే అవకాశం ఉంది. గోపి కృష్ణ మూవీస్ బ్యానర్ పై కృష్ణంరాజు నిర్మిస్తున్న ఈ చిత్రాన్ని తెలుగుతో పాటు హిందీలో కూడా రూపొందించి ఇతర భాషల్లోకి అనువదించనున్నారు. ఇకపోతే ఈ చిత్రంలో పూజా హెగ్డే కథానాయకిగా నటిస్తోంది. ఈ చిత్రంలో యాక్షన్ మాత్రమే కాకుండా మంచి రొమాంటిక్ కంటెంట్ కూడా ఉండనుంది. ఈ చిత్రానికి ‘జాన్’ అనే పేరుతో పాటు ‘ఓ డియర్, రాధేశ్యామ్’ అనే రెండు టైటిల్స్ పరిశీలనలో ఉన్నాయి.