మెగాస్టార్ చిరంజీవి – కొరటాల శివ కాంబినేషన్ లో వస్తోన్న ‘చిరు 152వ’ సినిమాలో అతిధి పాత్రలో సూపర్ స్టార్ మహేష్ బాబు నటిస్తున్నారని ఇప్పటికే సోషల్ మీడియాలో చాల విస్తృతంగా వార్తలు వచ్చిన సంగతి తెలిసిందే. అయితే తాజాగా మహేష్ రోల్ కి సంబంధించి మరో అప్ డేట్ తెలిసింది. ఈ సినిమాలో మహేష్ నటించట్లేదట. మహేష్ చేస్తాడని చెప్పిన పాత్రలో చరణే కనిపించబోతున్నట్లు సినీ వర్గాల్లో వినిపిస్తోంది.
కాగా చరణ్ రోల్ సినిమాలో స్టూడెంట్ లీడర్ అని, దాదాపు ఇరవై నిముషాల పాటు సినిమాలో కనిపిస్తారని.. అందులో పదిహేను నిముషాల పాటు మెగాస్టార్ తో కాంబినేషన్ సీన్స్ ఉంటాయని సమాచారం. అయితే ఈ వార్త కూడా అధికారికంగా ధృవీకరించబడనప్పటికీ, ఇది నిజమేనని చిత్రబృందానికి సంబధించిన దగ్గర వ్యక్తుల ద్వారా తెలుస్తోంది.
ఇక మెగాస్టార్ ఈ చిత్రం కోసం బరువు తగ్గడంతో పాటు చాలా మేక్ ఓవర్ అయ్యారు. ఈ సినిమాను ఆగ‌స్ట్ 14న విడుద‌ల చేయడానికి ప్లాన్ చేస్తోన్నట్లు తెలుస్తోంది. ఈ సినిమాలో మెగా అభిమానులు కోరుకునే అంశాలతో పాటు బోలెడంత హీరోయిజమ్ కూడా ఉండనుంది.