కోలీవుడ్ సహా తెలుగు సినిమాలో కూడా మంచి ఆదరణ ఉన్న టాలెంటెడ్ హీరోస్ లో కార్తీ కూడా ఒకరు. మరి కార్తీ హీరోగా ఇపుడు తన సాలిడ్ సీక్వెల్ సర్దార్ 2 చేస్తున్నాడు. అయితే ఈ సినిమాని మించి మరో సీక్వెల్ కోసం అభిమానులు ఎదురు చూస్తున్న సినిమా ఏదన్నా ఉంది అంటే అది డెఫినెట్ గా “ఖైదీ 2” అని చెప్పాలి. దర్శకుడు లోకేష్ కనగరాజ్ తో చేసిన ఈ సినిమాతో ఓ రకంగా కార్తీ భారీ కంబ్యాక్ ఇచ్చాడు.
అక్కడ నుంచి ఈ సినిమా సీక్వెల్ పై హైప్ అంతకంతకూ పెరుగుతూ వచ్చింది. ఇక ఈ సినిమా షూటింగ్ అసలుకి గత ఏడాది చివరలోనే స్టార్ట్ కావాల్సి ఉంది. కానీ మధ్యలో రజినీకాంత్ కూలీ సినిమా రావడంతో ఖైదీ 2 ఆలస్యం అయ్యింది. ఇక ఈ ఏడాదిలో అయినా షూటింగ్ స్టార్ట్ అవుతుంది అనుకుంటే ఇపుడు ఈ సినిమా ఈ ఏడాదిలో కూడా స్టార్ట్ కాదు అని తెలుస్తుంది. ఇపుడు ఏకంగా వచ్చే ఏడాది ఏప్రిల్ కి షిఫ్ట్ అయ్యినట్టుగా కోలీవుడ్ వర్గాలు చెబుతున్నాయి. మరి చూడాలి దీనిపై అధికారిక క్లారిటీ ఏమన్నా వస్తుంది అనేది.