మహేష్ మొదటిసారి కొత్తగా కనిపించింది పోకిరి సినిమాలోనే. ఒక విధంగా మహేష్ బాబును సూపర్ స్టార్ ను చేసింది పోకిరి సినిమానే. ఫస్ట్ టైం ఆ సినిమాలో డిఫరెంట్ హెయిర్ స్టైల్ తో ఫ్యాన్స్ ను విపరీతంగా ఆకట్టుకున్నాడు. ఆ సినిమా అంత హిట్ అవ్వడానికి మహేష్ లుక్ కూడా ఒక కారణం. మళ్ళీ ఇన్నేళ్లు తరువాత మహేష్ అలాంటి లుక్ లో మారుతున్నాడు. పరుశురామ్ దర్శకత్వంలో రానున్న ‘సర్కారు వారి పాట’ సినిమాలో పూర్తి కొత్త లుక్ లో మహేష్ కనిపించబోతుండటంతో ఈ సినిమా పై ఫ్యాన్స్ లో ఆసక్తి రెట్టింపు అవుతుంది.
రింగుల జుట్టుతో కాలేజీకి వెళ్లే స్టూడెంట్ బాడీ లాంగ్వేజ్ తో మహేష్ కొత్త కొత్తగా కనిపించి ఫ్యాన్స్ కు కొత్తదనం అద్దబోతున్నాడు. ఇక భారత బ్యాంకింగ్ రంగంలోని కుంభకోణాల చుట్టూ కథ సాగుతోందని.. మహేష్ ఒక బ్యాంక్ మేనేజర్ కొడుకు పాత్రను పోషిస్తున్నాడని.. వేలాది కోట్ల ఎగవేసిన ఓ బిజినెస్ మెన్ నుండి ఆ డబ్బు మొత్తాన్ని తిరిగి రాబట్టి.. తన తండ్రి మీద పడ్డ ఆపవాదును ఎలా పోగొట్టాడు అన్నదే మెయిన్ పాయింట్ అని తెలుస్తోంది.
కాగా మైత్రీ మూవీ మేకర్స్, 14 రీల్స్ ప్లస్ సంస్థలు ఈ చిత్రాన్ని భారీ స్థాయిలో నిర్మిస్తున్నాయి. కరోనా లేకపోయి ఉండి ఉంటే.. ఈ పాటికే షూటింగ్ సగం పూర్తయిపోయేది.