యంగ్ టైగర్ ఎన్టీఆర్ నటిస్తున్న యాక్షన్ ఎంటర్టైనర్ ‘దమ్ము’ ప్రస్తుతం షూటింగ్ జరుపుకుంటుండగా ఈ చిత్రం పై ఫిలిం నగర్ వర్గాల నుండి పాజిటివ్ టాక్ వినిపిస్తోంది. విశ్వసనీయ సమాచారం ప్రకారం ఎన్టీఆర్ పాత్రను దర్శకుడు బోయపాటి శ్రీను పవర్ఫుల్ గా తీర్చిదిద్దినట్లు సమాచారం. గతంలో ఆయన దర్శకత్వంలో వచ్చిన ‘సింహ’ చిత్రంలో హీరో పాత్రను ఎంత పవర్ఫుల్ గా చూపించారో మనకు తెల్సిందే. ఎన్టీఆర్ త్రిషా జంటగా కార్తీక సెకండ్ హీరొయిన్ గా నటిస్తుంది. సుమన్ మరియు భానుప్రియ ఎన్టీఆర్ తల్లితండ్రులుగా కనిపించబోతున్నారు. కీరవాణి సంగీతం అందిస్తుండగా అలెగ్జాన్డర్ వల్లభ ఈ చిత్రాన్ని నిర్మిస్తున్నారు. క్రియేటివ్ కమర్షియల్స్ బ్యానర్ పై కె.ఎస్ రామారావు సమర్పిస్తుండగా ఈ వేసవిలో విడుదల చేయడానికి సన్నాహాలు చేస్తున్నారు.