“జార్జ్ రెడ్డి” చిత్రంతో మంచి గుర్తింపును తెచ్చుకున్న దర్శకుడు జీవన్ రెడ్డి ఇప్పుడు మాస్ దర్శకుడు పూరి జగన్నాథ్ తనయుడు ఆకాష్ పూరితో ఓ చిత్రాన్ని రూపొందించనున్నారు. ఆకాష్ పూరీ, జీవన్ రెడ్డి కాంబినేషన్ లో వస్తున్న ఈ చిత్రానికి “చోర్ బజార్” అనే టైటిల్ ను ఖరారు చేశారు. దొంగిలించిన వస్తువులన్నీ చోర్ బజార్ కు చేరుతుంటాయి. అయితే ఈ కథను అంతా ఊహించినట్లు కాకుండా విభిన్నంగా తెరకెక్కించనున్నారు దర్శకుడు.
మరి ఈ “చోర్ బజార్” సినిమా బుధవారం లాంఛనంగా ప్రారంభమైంది. వీ ప్రొడక్షన్స్ పతాకంపై వీఎస్ రాజు తన తొలి ప్రయత్నంగా ఈ చిత్రాన్ని నిర్మిస్తున్నారు. లవ్, యాక్షన్ ఎంటర్ టైనర్ గా రూపొందుతున్న “చోర్ బజార్” చిత్రంలో సుబ్బరాజు, పోసాని, “లేడీస్ టైలర్” ఫేమ్ అర్చన ఇతర కీలక పాత్రల్లో కనిపించనున్నారు. “చోర్ బజార్” సినిమా రెగ్యులర్ షూటింగ్ ఫిబ్రవరి 26 నుంచి ప్రారంభం కానుంది.
ఇక ఈ చిత్రానికి సినిమాటోగ్రఫీ – జగదీష్ చీకటి, సంగీతం – సురేష్ బొబ్బిలి, ఎడిటింగ్ – సత్య గిడుటూరి, ఆర్ట్ – గాంధీ నడికుడికర్, మేకప్ – శివ, కాస్ట్యూమ్స్ – ప్రసన్న దంతులూరి, కాస్ట్యూమ్ చీఫ్ – శ్రీనివాస్, ఫైట్స్ – ఫృథ్వీ శేఖర్, కొరియోగ్రఫీ – భాను, పబ్లిసిటీ డిజైనర్ – సుధీర్, పీఆర్వో – జీఎస్కే మీడియా, డిజిటల్ మీడియా – టాక్ స్కూప్, బ్యానర్ – వీ ప్రొడక్షన్స్, నిర్మాత – వీ.ఎస్ రాజు, సహ నిర్మాత – అల్లూరి సురేష్ వర్మ, రచన, దర్శకత్వం – బి. జీవన్ రెడ్డి లు అందిస్తున్నారు.
