టాలెంటెడ్ డైరెక్టర్ ‘సందీప్ వంగ’ హిందీలో ‘కబీర్ సింగ్’ పేరుతో అర్జున్ రెడ్డి రీమేక్ చేసి అక్కడ కూడా భారీ బ్లాక్ బస్టర్ అందుకుని ఏకంగా బాలీవుడ్ లోనే స్టార్ డైరెక్టర్ గా మంచి క్రేజ్ సంపాదించాడు. అయితే, ఇప్పటి వరకూ తన మూడవ చిత్రం గురించి మాత్రం అతను ఎక్కడా ప్రకటించలేదు. అయితే కబీర్ సింగ్ హిందీ నిర్మాణ బ్యానర్ లోనే సందీప్ తన మూడవ చిత్రాన్ని చేయనున్నాడు. కానీ ఈ చిత్రంలోని హీరో ఎవరు ? ఎలాంటి సినిమా అనే విషయం ఇంకా తెలియలేదు.

సందీప్ ప్రస్తుతం రణబీర్ కపూర్‌తో చర్చలు జరుపుతున్నట్లు ఒక చర్చ జరిగింది, కాని ఇంకా అది ధృవీకరించలేదు. దాంతో అభిమానులతో పాటు సాధారణ ప్రేక్షకులు కూడా అతని నుండి తదుపరి సినిమా గురించి అప్ డేట్ తెలుసుకోవాలనుకుంటున్నారు. ఈ టాలెంటెడ్ డైరెక్టర్ నుండి మరో వైవిద్యమైన సినిమా రావడం పక్కా అని ఆడియన్స్ ఫీల్ అవుతున్నారు.

‘కబీర్ సింగ్’ సినిమా నిర్మాత టీ-సిరీస్ భూషణ్ కుమార్, సినీ 1 స్టూడియోస్ మురాద్ ఖేతాని కలిసి సందీప్ తర్వాతి సినిమాను కూడా భారీ స్థాయిలో నిర్మించడానికి ప్లాన్ చేస్తున్నారట. వీరితోపాటే సందీప్ సోదరుడు, ‘అర్జున్ రెడ్డి’ నిర్మాత ప్రణయ్ వంగ కూడా చిత్ర నిర్మాణంలో పాలుపంచుకోనున్నారు. ఇక సందీప్ తరువాత సినిమా పాన్ ఇండియా సినిమానా లేదా అనేది తెలియాల్సి ఉంది.