స్టైలీష్ డైరెక్టర్ గా సురేందర్ రెడ్డికి మంచి నేమ్ ఉంది. మెగాస్టార్ తో చేసిన భారీ సినిమా ‘సైరా’ కూడా ఆయనకు మంచి పేరు తెచ్చి పెట్టింది. కాకపోతే అనుకున్న స్థాయిలో సక్సెస్ అవ్వకపోవడంతో ఆ తరువాత స్టార్ హీరోల నుండి పిలుపు రాలేదు. అయితే సురేందర్ రెడ్డి దర్శకత్వంలో ఇప్పటికే అక్కినేని అఖిల్ నటిస్తున్నారని ఆ మధ్య వార్తలు వచ్చాయి. ఆ తరువాత అల్లు అర్జున్ తో సినిమా చేస్తున్నాడని కూడా వార్తలు వచ్చాయి. అయితే తాజాగా సురేందర్ రెడ్డి, హీరో రామ్ తో ఒక ఫుల్ ఎంటర్ టైనర్ ప్లాన్ చేస్తున్నాడట. ఈ సినిమా వచ్చే ఏడాది మొదలవుతుందని.. ఈ చిత్రాన్ని ఓ ప్రముఖ నిర్మాత నిర్మించనున్నారని తెలుస్తోంది. ఈ వార్తకు సంబంధించి ఇంకా ఎటువంటి అధికారిక ప్రకటన రాలేదు.

కానీ, సురేందర్ రెడ్డి రామ్ కోసం స్క్రిప్టు సిద్దం చేస్తోనట్లు తెలుస్తోంది. సురేందర్ రెడ్డి- రామ్ కాంబినేషన్ అంటే భారీ అంచనాలు ఉంటాయి. పైగా రామ్ ప్రస్తుతం సక్సెస్ లో ఉన్నాడు. రెడ్ మూవీ కూడా హిట్ అయ్యేలా ఉంది. అందుకే సురేందర్ రెడ్డి రామ్ తో చేస్తున్నాడట. ఫుల్ ఎంటర్‌టైనర్‌ గా ఈ సినిమా ఉండేలా.. ముఖ్యంగా రామ్ ఎనర్జీకి సరిపడే స్టోరీతో సురేందర్ రెడ్డి ఈ సినిమాని భారీ స్థాయిలో ప్లాన్ చేస్తున్నాడట. మరి సురేందర్ రెడ్డి – రామ్ కలయికలో భారీ హిట్ వస్తోందా చూడాలి.