భాషతో సంబంధం లేకుండా కేవలం ఎమోషన్ తోనే కనెక్ట్ అయ్యిన ఎన్నో సినిమాల్లో కోలీవుడ్ హిట్ చిత్రం 96 కూడా ఒకటి. మక్కల్ సెల్వన్ విజయ్ సేతుపతి, త్రిష హీరో హీరోయిన్స్ గా దర్శకుడు ప్రేమ్ కుమార్ తెరకెక్కించిన ఈ సినిమా ఇప్పటికీ క్లాసిక్ గా నిలిచింది. ఆడియెన్స్ లో మంచి స్థానం సంపాదించుకున్న ఈ సినిమాని తెలుగులో శర్వానంద్, సమంతలు జానుగా రీమేక్ కూడా చేశారు.
అయితే ఈ సినిమా ఒరిజినల్ గా అసలు విజయ్ సేతుపతి, త్రిష లతో ప్లాన్ చేసిందే కాదట. ఇంకా చెప్పాలంటే అసలు దర్శకుడు తమిళ్ లోనే ఈ సినిమా చేయాలని అనుకోలేదట. తాను హిందీలో మొదట చేసేందుకు కథ రాసుకున్నారట. హిందీలో జూనియర్ అమితాబ్ అభిషేక్ బచ్చన్ తో ఈ సినిమా చేయాలని ప్లాన్ చేసుకుంటే అప్పుడు సమయంలో అభిషేక్ ని ఎలా సంప్రదించాలో తెలీక సాధ్యపడక తమిళ్ లో వీరితో చేశారట. మరి ఒకవేళ అభిషేక్ కే ఈ సినిమా పడి ఉంటే బాలీవుడ్ ఆడియెన్స్ కి తన నుంచి మరో ఐకానిక్ సినిమాగా నిలిచి ఉండొచ్చు. కానీ తన బ్యాడ్ లక్.
