ఇప్పటివరకూ మాస్, క్లాస్, యాక్షన్ మరియు భక్తిరస చిత్రాలు చేసిన ‘కింగ్’ నాగార్జున తన కెరీర్లో మొదటిసారిగా చేసిన సోషియో ఫాంటసీ చిత్రం ‘డమరుకం’. ఈ సినిమాలో సుమారు 45 నిమిషాల పాటు గ్రాఫిక్స్ ఉంటుంది. ఆ 45 నిమిషాల గ్రాపిక్స్ సన్నివేశాలు సినిమాకే హైలైట్ అవుతాయని ఈ చిత్ర టీం అంటోంది.
ఈ సినిమాని ఈ నెల 19న విడుదల చేయడానికి సన్నాహాలు చేస్తున్నారు. ఈ చిత్ర ప్రమోషన్స్ లో భాగంగా నాగార్జున ప్రముఖ పత్రికకు ఇచ్చిన ఇంటర్వ్యూలో మీ సినిమా విడుదలకి ఒక రోజు ముందే ‘కెమెరామెన్ గంగతో’ రాంబాబు’ చిత్రం రానుంది, దీనివల్ల థియేటర్ల సమస్య మరియు కలెక్షన్లు తగ్గావా అని అడిగిన ప్రశ్నకు నాగ్ సమాధానమిస్తూ ‘ అలాంటి సమస్య ఏమీ ఉండదండీ, అలా అనుకుంటే ప్రతి సంక్రాంతికి పెద్ద హీరోల సినిమాలు మూడు, నాలుగు విడుదలవుతుంటాయి మరి అప్పుడెలా సరిపోతున్నాయి థియేటర్లు, అప్పుడే రాని సమస్య ఇప్పుడు ఎందుకొస్తుంది. ఇదికూడా దసరా సీజన్ కనుక ఎక్కవగానే సినిమాలు వస్తాయి. సినిమా బాగుంటే ప్రేక్షకులు ఎన్ని సినిమాలైనా చూస్తారు’ అని ఆయన అన్నారు. యోగా బ్యూటీ అనుష్క కథానాయికగా నటించిన ఈ చిత్రంలో ఛార్మి ఒక ఐటెం సాంగ్ లో కనిపించనున్నారు. శ్రీనివాస్ రెడ్డి దర్శకత్వం వహించిన ఈ సినిమాకి యంగ్ తరంగ్ దేవీ శ్రీ ప్రసాద్ సంగీతం అందిచగా, ఆర్.ఆర్ మూవీ మేకర్స్ బానర్ వారు నిర్మించారు.