ఈగను తెగ మోసేస్తున్న బాలీవుడ్ మీడియా

ఈగను తెగ మోసేస్తున్న బాలీవుడ్ మీడియా

Published on Oct 5, 2012 12:26 PM IST


ఎస్ ఎస్ రాజమౌళి దర్శకత్వంలో వచ్చిన “ఈగ” చిత్రం ఇక్కడ భారీ విజయం సాదించిన విషయం తెలిసిందే. ఈ చిత్రాన్ని హిందీలో డబ్ చేస్తున్నారు. అక్టోబర్ 12న విడుదల కానున్న ఈ చిత్రం ఇప్పటికే బాలివుడ్ విలేఖరులను మరియు ట్రేడ్ అనలిస్ట్ లను ఆకట్టుకుంది. ముంబై లో పి వి ఆర్ లో ఈ చిత్రం ఈరోజు ప్రదర్శితమయ్యింది ఈ ప్రదర్శనకు ఎస్ ఎస్ రాజమౌళి, ఎం ఎం కీరవాణి,నాని, సురేష్ బాబు, సాయి కొర్రపాటి, పీట్ డార్పర్ మరియు అనుజ్ గుర్వర హాజరయ్యారు. ఈ ప్రదర్శన తరువాత చిత్రాన్ని పాత్రికేయులు ప్రశంసలలో ముంచెత్తారు. ముంబైలో ప్రసిద్ద విమర్శకుడు తరణ్ ఆదర్శ్ “ఈగ(మక్కీ)” చిత్రాన్ని ఈ ఏడాది విడుదలయిన ఉత్తమ చిత్రాలలో ఒకటి అని ప్రశంసించారు. CNN – IBN ఛానల్ కి సిని విమర్శకుడిగా ఉన్న రాజీవ్ మసంద్ ఈ చిత్రాన్ని ప్రశంసించారు. చాలా రోజుల తరువాత మంచి చిత్రాన్ని చూసినట్టు పేర్కొన్నారు. వీళ్ళే కాకుండా పలువురు విమర్శకులు ఈ చిత్రాన్ని ప్రశంసలలో ముంచెత్తారు. “మక్కీ” చిత్రం అక్టోబర్ 12న రాణి ముఖర్జీ మరియు పృథ్వి రాజ్ ప్రధాన పాత్రలలో వస్తున్న “అయ్యా” చిత్రం మరియు రామ్ గోపాల్ వర్మ “భూత్ రిటర్న్స్” చిత్రాలతో కలిసి విడుదల కానుంది. ఈ ప్రదర్శన తరువాత వచ్చిన స్పందన చూస్తుంటే ఖచ్చితంగా ఈ చిత్రం భారీ ఓపెనింగ్స్ సాదించేలా కనిపిస్తుంది. చూస్తుంటే తెలుగు చిత్ర పవర్ ఏంటో ఈ చిత్రం ద్వారా బాలివుడ్ తెలుసుకోనున్నట్టు తెలుస్తుంది.

తాజా వార్తలు