నందమూరి నటసింహం బాలకృష్ణ నటించబోయే కొత్త చిత్రం ఇటీవలే ప్రారంభమైన విషయం తెలిసిందే. అయితే ఈ చిత్రానికి ‘కల్కి’ అనే టైటిల్ అనుకుంటున్నట్లుగా వార్తలొచ్చాయి. రవి చావాలి దర్శకత్వం వహించనున్న ఈ చిత్రంలో పార్వతి మెల్టన్ మరియు ఇషా చావ్లా హీరోయిన్స్ గా నటిస్తున్నారు. విశ్వసనీయ వర్గాల సమాచారం ప్రకారం ఈ చిత్రానికి గాను ‘శ్రీ రామన్నారాయణ’ అనే టైటిల్ రిజిస్టర్ చేయించినట్లు సమాచారం. బాలయ్య గతంలో నటించిన ‘సింహా’ చిత్రంలో శ్రీ రామన్నారాయణ పాత్ర ఎంత పాపులర్ అయిందో తెలిసిందే. అదే పేరు ఈ చిత్రానికి పెట్టబోతుండటం విశేషం. ఎల్లో ఫ్లవర్స్ బ్యానర్ పై రమేష్ పుప్పాల ఈ చిత్రాన్ని నిర్మిస్తుండగా చక్రి సంగీతం అందించబోతున్నారు.