‘శివ పుత్రుడు’ నుంచి ‘సెవెంత్ సెన్స్’ వరకు సూర్య తను చేసిన సినిమాలతో సౌత్ ఇండియన్ ఫిల్మ్ ఇండస్ట్రీలో నటుడిగా తనకంటూ ఒక ప్రత్యేకతను ఏర్పరుచుకున్నారు. తను ప్రతి సినిమాలోనూ ఏదో ఒక కొత్తదనం కోసం ట్రై చేస్తూఉంటాడు. ఇటీవలే జరిగిన ‘బ్రదర్స్’ ఆడియో వేడుకలో ఈ చిత్ర దర్శకుడు కె.వి ఆనంద్ మాట్లాడుతూ ‘ సూర్య నటించేటప్పుడు అసలు అలిసిపోడు, ఎన్ని టేకులైనా చేస్తానంటాడు’ అని అన్నారు. ఈ విషయం గురించి సూర్య మాట్లాడుతూ “ఈ విషయంలో ఎక్కువ భాగం నా దర్శకుడు బాల గారికి క్రెడిట్ చెందాలి. నేను ఆయనతో పనిచేసినప్పుడు ఆయన నాకు ‘ సూర్య మనం చేసే సినిమా మనం చనిపోయిన తర్వాత కూడా బతికే ఉంటుంది. మీ నటనలో పరిపక్వత రావాలంటే ఎప్పుడూ తప్పు చేయకూడదు అనే భావనతో ట్రై చేయండి. మీరు ఇంకో టేక్ చేస్తున్నారు అంటే దాన్ని ఆ సీన్ ని ఇంకా మెరుగు పరుచుకోవడానికి ట్రై చెయ్యండి అని’ బాల అన్నారు. అప్పటి నుంచే నేను 16 – 17 టేకులు చేసినా బోర్ అనిపించదు, ఇంకా చేయమన్నా చేస్తాను అని” ఆయన అన్నారు. సూర్య అవిభక్త కవలలుగా నటిస్తున్న ఈ చిత్రంలో కాజల్ అగర్వాల్ కథానాయికగా నటించారు. బెల్లం కొండ సురేష్ డిస్ట్రిబ్యూట్ చేస్తున్న ఈ చిత్రానికి హారీష్ జైరాజ్ సంగీతం అందించారు.