అల్లు అర్జున్ అల వైకుంఠపురంలో మూవీతో కెరీర్ బెస్ట్ మాత్రమే కాకుండా, ఇండస్ట్రీ హిట్ అందుకున్నారు. త్రివిక్రమ్ తో ఆయన చేసిన ఈ హ్యాట్రిక్ మూవీ బన్నీ పేరిట చాలా రికార్డ్స్ నమోదుచేసింది. త్రివిక్రమ్ టేకింగ్, బన్నీ నటనతో పాటు సినిమాలో ప్రధాన పాత్ర పోషించిన మరో విషయం థమన్ సాంగ్స్. అల వైకుంఠపురలో కొరకు కెరీర్ బెస్ట్ ఆల్బమ్ ఇచ్చారు. ముఖ్యంగా సామజవరగమన.. మరియు బుట్ట బొమ్మా.. సాంగ్స్ తో పాటు రాములో రాములా సాంగ్ జనాలను విపరీతంగా ఆకట్టుకున్నాయి. ఇక ఈ సాంగ్స్ అనేక రికార్డ్స్ తమ పేరిట నమోదు చేసుకున్నాయి.

ఈ మ్యూజిక్ ఆల్బ‌మ్ లో ఉన్న అన్ని పాట‌ల‌కి ఆదిత్య మ్యూజిక్ యూట్యూబ్ ఛాన‌ల్ లో మిలియ‌న్స్ కొద్దీ వ్యూస్ రావ‌డ‌మే కాకుండా తాజాగా ఈ పాట‌లు పాన్ ఇండియా వైడ్ ఉన్న ప్ర‌ఖ్యాత మ్యూజిక్ ప్లాట్ ఫామ్స్ అన్నిట్లో టాప్ ఫ్లేస్ లో ట్రెండ్ అవుతుండ‌టం విశేషం. ఈ సంద‌ర్భంగా ఆదిత్య గ్రూప్ అధినేత శ్రీ ఆదిత్య గుప్తా గారు మాట్లాడుతూ.. ”ముందుగా ఇంత‌టి బ్లాక్ బ‌స్ట‌ర్ ఆల్బ‌మ్ మా మ్యూజిక్ కంపెనీ ద్వారా విడుద‌ల చేసే అవ‌కాశం ఇచ్చిన హారికా హాసిని క్రియేష‌న్స్, గీతా ఆర్ట్స్ వారికి అలానే స్టైలిష్ స్టార్ అల్లు అర్జున్, డైరెక్ట‌ర్ త్రివిక్ర‌మ్ శ్రీనివాస్, మ్యూజిక్ డైరెక్ట‌ర్ త‌మ‌న్ గారికి కృత‌జ్ఞ‌త‌లు తెలుపుకుంటున్నాను. ఇక ఈ ఆల్బమ్ లో ఉన్న పాటలు బాలీవుడ్ పాట‌ల‌ను వెన‌క్కి నెట్టి మరీ జియోసావ‌న్, అమెజాన్ ప్రైమ్ మ్యూజిక్ వంటి ఆల్బ‌మ్స్ లో టాప్ 1, 2 ,6 స్థానాల్లో ట్రెండ్ అవుతున్నాయి. వీటితో పాటు వింక్, గానా వంటి మ్యూజిక్ ఆప్స్ లో సైతం ఇదే హ‌వా కొన‌సాగిస్తున్నాయ‌ని” అన్నారు.