నందమూరి బాలకృష్ణ హీరోగా తెరకెక్కుతున్న మాస్ యాక్షన్ ఎంటర్టైనర్ ‘లెజెండ్’. ప్రస్తుతం ఈ సినిమా షూటింగ్ హైదరాబాద్ చిరన్ ఫోర్ట్ లో జరుగుతోంది. బాలకృష్ణ పవర్ఫుల్ గా మరియు స్టైలిష్ అవతారంలో కనిపించనున్న ఈ సినిమాని బోయపాటి శ్రీను డైరెక్ట్ చేస్తున్నాడు. ఈ మూవీలో రాధికా ఆప్టే, సోనాల్ చౌహాన్ లు హీరోయిన్స్ గా కనిపించనున్నారు.
14 రీల్స్ బ్యానర్ మరియు వారాహి చలన చిత్ర వారు కలిసి సంయుక్తంగా ‘లెజెండ్’ సినిమాని నిర్మిస్తున్నారు. ఈ చిత్ర మేకర్స్ ఎంతో ప్రతిష్టాత్మకంగా నిర్మిస్తున్న ఈ సినిమాని ఎక్కడా రాజీ పడకుండా నిర్మిస్తున్నారు. ఈ సినిమాలో బాలకృష్ణ వాడటానికి ఒక స్పెషల్ బైక్ మరియు స్పెషల్ టాటా సఫారీని తయారు చేసారని మేము ఇది వరకే తెలిపాము. దేవీశ్రీ ప్రసాద్ మ్యూజిక్ కంపోజ్ చేస్తున్న ‘లెజెండ్’ సినిమాని 2014 మొదట్లో ప్రేక్షకుల ముందుకు తీసుకు రానున్నారు.