గత వారం థియేటర్స్ లో రిలీజ్ అయ్యి సెన్సేషనల్ హిట్ అయ్యిన సాలిడ్ చిత్రాల్లో దర్శకుడు కార్తీక్ ఘట్టమనేని అలాగే యంగ్ హీరో తేజ సజ్జ కాంబినేషన్ లో చేసిన భారీ చిత్రం “మిరాయ్” కూడా ఒకటి. మంచి హైప్ నడుమ వచ్చిన ఈ చిత్రం తేజ సజ్జ కెరీర్ లో రికార్డు బ్రేకింగ్ ఓపెనింగ్స్ అందుకుంది. ఇలా మొదటి వీకెండ్ వరకు సాలిడ్ వసూళ్లు అందుకున్న ఈ సినిమా ఇపుడు మొదటి వారం రోజుల రన్ ని కంప్లీట్ చేసుకుంది.
మరి ఈ వారం రోజుల్లో మిరాయ్ చిత్రానికి 112.10 కోట్ల గ్రాస్ వచ్చినట్టుగా మేకర్స్ కన్ఫర్మ్ చేశారు. దీనితో మిరాయ్ బాక్సాఫీస్ దగ్గర స్ట్రాంగ్ హోల్డ్ ని కనబరిచింది అని చెప్పవచ్చు. ఇక ఈ చిత్రానికి గౌర హరి సంగీతం అందించగా రితికా నాయక్ హీరోయిన్ గా నటించింది. అలాగే మంచు మనోజ్ పవర్ఫుల్ విలన్ గా నటించగా శ్రేయ, జైరాం తదితరులు కీలక పాత్రలు చేశారు. అలాగే పీపుల్ మీడియా ఫ్యాక్టరీ వారు నిర్మాణం వహించారు.