నందమూరి తారకరత్న హీరోగా నర్రా శివ నాగేశ్వరరావు ద‌ర్శ‌క‌త్వంలో ప్రముఖ రాజకీయ నాయకుడు దేవినేని నెహ్రు జీవిత చరిత్ర ఆధారంగా తెరకెక్కుతున్న చిత్రం ‘దేవినేని’. ‘బెజవాడ సింహం’ అన్నది ఉపశీర్షిక. జి.ఎస్.ఆర్ మరియు రాము రాథోడ్ సంయుక్తంగా నిర్మిస్తోన్న ఈ చిత్రంలో బెజవాడలో ఇద్దరు మహనాయకుల మధ్య స్నేహం, వైరం తో పాటు కుటుంబనేపథ్యంలో తెరకెక్కుతుంది.

సెంటిమెంట్ తో నడిచే ఈ సినిమాలో బెజవాడ లోని మరో సీనియర్ ప్రజా నాయకుడు వంగవీటి రాధ పాత్రలో నటుడు బెనర్జీ నటిస్తుండగా, వంగవీటి రంగ పాత్రలో సురేష్ కొండేటి నటిస్తున్నారు.చలసాని వెంకటరత్నం పాత్రలో తుమ్మల ప్రసన్న కుమార్ నటిస్తున్నారు. ఈ చిత్రంలో 1983 లో విజయవాడ ఫస్ట్ సూపరిండెంట్ ఆఫ్ పోలీస్ శ్రీ కె ఎస్ వ్యాస్ గారి పాత్రను ప్రముఖ సంగీత దర్శకుడు కోటి పోషిస్తున్నారు.

సందర్భంగా దర్శకుడు నర్రా శివ నాగేశ్వర రావ్ మాట్లాడుతూ “ఈ చిత్రంలో చేసిన అందరు నటీనటులు చాలా బాగా నటించారు.. ముఖ్యంగా చలసాని వెంకటరత్నం పాత్రలో తుమ్మల ప్రసన్న కుమార్, నందమూరి తారక రత్న నిజమైన దేవినేని నెహ్రూ లో పరకాయ ప్రవేశం చేసినట్లు నటిస్తున్నారు. సురేష్ కొండేటి వంగవీటి రంగ గా మిమ్మల్ని అలరించనున్నాడు. అలాగే సురేంద్ర పాత్రలో ఏం ఎన్ ఆర్ చౌదరి నటిస్తున్నారు.

దేవినేని మురళి గా తేజా రాథోడ్, దేవినేని గాంధీ గా మిమిక్రీ ఆర్టిస్ట్ శివారెడ్డి మిగతా పాత్రలో బాక్సాఫీస్ రమేష్, రామ్ మోహన్, అన్నపూర్ణమ్మ, ధృవతారలు నటిస్తున్నారు. చిత్ర షూటింగ్ మొత్తం పూర్తి అయింది. డిటీఎస్ కార్యక్రమాలు జరుపుకుంటున్న ఈ సినిమా మోషన్ పోస్టర్ త్వరలో విడుదల కానుందని అన్నారు. ఈ చిత్రంలో మరో సీనియర్ ప్రజా నాయకుడు వంగవీటి రాధ పాత్రలో నటుడు బెనర్జీ, చలసాని వెంకటరత్నం పాత్రలో తుమ్మల ప్రసన్న కుమార్ నటిస్తున్నారు.

ఈ చిత్రంలో 1983 లో విజయవాడ ఫస్ట్ సూపరిండెంట్ ఆఫ్ పోలీస్ శ్రీ కె ఎస్ వ్యాస్ గారి పాత్రను ప్రముఖ సంగీత దర్శకుడు కోటి పోషిస్తున్నారని తెలిపారు. ఈ చిత్రానికి సాంకేతిక నిపుణుల విషయానికి వస్తే నర్రా శివ నాగు దర్శకత్వంలో వహిస్తుండగా జి.ఎస్.ఆర్, రాము రాథోడ్ లు నిర్మాతలుగా వ్యవహరిస్తున్నారు. అలాగే ఈ చిత్రానికి సీనియర్ సంగీత దర్శకులు బ్యాక్గ్రౌండ్ స్కోర్ అందిస్తున్నారు. కో.డైరెక్టర్ గా శివుడు వ్యవహరిస్తున్నారు.