సూపర్ హిట్ మూవీ ‘రచ్చ’ తర్వాత మెగా పవర్ స్టార్ రామ్ చరణ్ హీరోగా, మాస్ చిత్రాల దర్శకుడు వి.వి వినాయక్ దర్శకత్వంలో తెరకెక్కుతున్న చిత్రం ‘నాయక్’. ఈ చిత్రంలో రామ్ చరణ్ తో కాజల్ అగర్వాల్ మరియు అమలా పాల్ జోడీ కట్టారు. ఈ చిత్రానికి సంబందించిన అన్ని పాటల రికార్డింగ్ పూర్తయ్యింది మరియు అందులో నాలుగు పాటల చిత్రీకరణ కూడా పూర్తయ్యింది. ఈ విషయాన్ని ఈ చిత్ర సంగీత దర్శకుడు ఎస్. ఎస్ తమన్ తెలిపారు. ‘ ‘నాయక్’ సినిమాలోని చివరి పాటని కూడా పూర్తి చేసాను మరియు సాంగ్ చాలా బాగా వచ్చింది. ఇప్పటివరకూ కంపోజ్ చేసిన నాలుగు పాటల చిత్రీకరణ కూడా పూర్తయ్యింది. ఆ పాటల విజువల్స్ చాలా బాగున్నాయి మరియు ఆ పాటల్లో రామ్ చరణ్ స్టెప్పులు అదిరిపోయాయి. డిసెంబర్లో ఆడియో విడుదల చేయబోయే ఈ సినిమా ఖచ్చితంగా సూపర్ హిట్ అవుతుందని’ తమన్ తెలిపారు. ఈ మూవీ యూనివర్సల్ మీడియా బ్యానర్ పై డి.వి.వి దానయ్య నిర్మిస్తున్నారు. ఈ చిత్రాన్ని సంక్రాంతి కానుకగా 2013 జనవరి 11న విడుదల చేయడానికి సన్నాహాలు చేస్తున్నారు.