పవన్ కళ్యాణ్ – త్రివిక్రమ్ శ్రీనివాస్ కాంబినేషన్లో సినిమా రాబోతున్న విషయం తెలిసిందే. కెమెరామెన్ గంగతో రాంబాబు సినిమా తరువాత తెరకెక్కనున్న ఈ సినిమా పై ఇప్పటి నుంచే అంచనాలు మొదలవుతున్నాయి. జల్సా వంటి క్రేజీ కాంబినేషన్ తరువాత రాబోతున్న ఈ సినిమాలో పవన్ సరసన హీరోయిన్ ఎవరు అనే విషయం పై ప్రస్తుతం ఇండస్ట్రీలో చర్చ నడుస్తుంది. మొదటగా ఈ సినిమా కోసం ఇలియానాని హీరొయిన్ గా తీసుకున్నట్లు చెప్పారు, ఆ తరువాత సమంతతో కూడా చర్చలు జరిపినట్లు సమాచారం. అయితే తాజాగా వీరిద్దరినీ కాదని నిత్య మీనన్ ని తీసుకోబోతున్నట్లు సమాచారం. అయితే పవన్ సరసన హీరొయిన్ గా నిత్య మీనన్ ఎంత వరకు సూట్ అవుతుందో అని ఫాన్స్ కంగారు పడుతున్నారు.