ప్రస్తుతం తెలుగు స్టేట్స్ లో కొత్త సినిమాలు లేక పాత సినిమాలే మళ్ళీ థియేటర్స్ లో రాజ్యమేలుతున్నాయి. ఇలా థియేటర్స్ లో రీరిలీజ్ కి వచ్చిన మరో చిత్రమే “అందాల రాక్షసి”. దర్శకుడు హను రాఘవపూడి తెరకెక్కించిన ఈ సినిమాలో నవీన్ చంద్ర, లావణ్య త్రిపాఠి అలాగే రాహుల్ రవీంద్రన్ లు ప్రధాన పాత్రల్లో నటించిన ఈ సినిమా ఆడియెన్స్ లో మంచి క్రేజ్ ని అప్పుడు రిలీజ్ తర్వాత తెచ్చుకుంది.
ఇక ఫైనల్ గా రీరిలీజ్ కి వచ్చిన ఈ సినిమా భారీ ఓపెనింగ్స్ అందుకోవడం విశేషం. ఈ మధ్య కాలంలో జగదేక వీరుడు అతిలోక సుందరి సినిమాకి మాత్రమే 1 కోటికి పైగా గ్రాస్ వచ్చింది. మరి మళ్ళీ ఆ తర్వాత అందాల రాక్షసి మాత్రం ఈ ఫీట్ ని సొంతం చేసుకుంది. ఈ సినిమాకి మొదటి రోజు 1.12 కోట్ల గ్రాస్ వచ్చినట్టుగా మేకర్స్ చెబుతున్నారు. మొత్తానికి మాత్రం ఇప్పుడు అందాల రాక్షసి విషయంలో తెలుగు ఆడియెన్స్ ఫెయిల్ అవ్వలేదని చెప్పవచ్చు.
