OG vs అఖండ-2.. ఏ సినిమా తప్పుకుంటుంది..?

OG vs అఖండ-2.. ఏ సినిమా తప్పుకుంటుంది..?

Published on Jul 15, 2025 3:00 AM IST

పవర్ స్టార్ పవన్ కళ్యాణ్ నటిస్తున్న ఓజి చిత్రం కోసం ప్రేక్షకులు ఎంతో ఆసక్తిగా ఎదురుచూస్తున్నారు. ఈ సినిమాను దర్శకుడు సుజిత్ పూర్తి యాక్షన్ థ్రిల్లర్‌గా రూపొందిస్తున్నాడు. ఇక ఈ చిత్రాన్ని సెప్టెంబర్ 25న రిలీజ్ చేస్తున్నట్లు మేకర్స్ ఇప్పటికే ప్రకటించారు. అయితే, అదే రోజున నందమూరి బాలకృష్ణ నటిస్తున్న ‘అఖండ-2’ కూడా రిలీజ్ డేట్ లాక్ చేసుకుంది.

దీంతో ఇప్పుడు ఈ రెండు బడా చిత్రాల్లో ఏ సినిమా తమ రిలీజ్ డేట్‌ను వాయిదా వేసుకుంటుందా అని అభిమానుల్లో చర్చ సాగుతోంది. అయితే, ఓజి చిత్రాన్ని వాయిదా వేస్తారేమో అని అందరూ అనుకున్నారు. కానీ, మేకర్స్ మాత్రం అదే రోజున రిలీజ్ చేస్తామని ప్రామిస్ చేస్తున్నారు. ఇక అఖండ-2 చిత్ర షూటింగ్ కొంత ఆలస్యం అవుతుండటంతో ఇప్పుడు ఈ సినిమాను ప్రకటించిన తేదీన రిలీజ్ చేస్తారో లేదో అని అభిమానులు కామెంట్స్ చేస్తున్నారు.

అఖండ-2 చిత్రానికి సంబంధించిన వీఎఫ్ఎక్స్ పనుల్లో జాప్యం జరుగుతుండటం.. షూటింగ్ ఇంకా బ్యాలెన్స్ ఉండటంతో ‘అఖండ-2’ సెప్టెంబర్ 25న రావడం కష్టమే అని సినీ సర్కిల్స్‌లో టాక్ వినిపిస్తోంది. ఇక ఈ చిత్రాన్ని డిసెంబర్‌కు వాయిదా వేస్తారనే టాక్ కూడా వినిపిస్తోంది. మరి ఈ విషయంపై మేకర్స్ నుంచి ఓ క్లారిటీ రావాల్సి ఉంది.

సంబంధిత సమాచారం

తాజా వార్తలు