టాలీవుడ్ సెన్సేషనల్ స్టార్ విజయ్ దేవరకొండ, సందీప్ రెడ్డి వంగాతో కలిసి ఓ వెబ్ సిరీస్ ను ప్లాన్ చేస్తున్నాడు. ఈ వెబ్ సిరీస్ ఆనంద్ దేవరకొండ కోసమట. విజయ్ – సందీప్ కలిసి నిర్మిస్తున్నారట. మొత్తానికి ‘అర్జున్ రెడ్డి’ కాంబినేషన్ లో మరో ఓ వెబ్ సిరీస్ రాబోతుంది. సందీప్ రెడ్డి వంగా తన తొలి సినిమా అర్జున్ తోనే క్రేజీ డైరెక్టర్ గా మారడం, పైగా బాలీవుడ్ లో ఇదే సినిమాని క‌బీర్‌సింగ్ పేరుతో రీమేక్ చేసి అక్క‌డ సూపర్ హిట్ కొట్టి సక్సెస్ ఫుల్ డైరెక్టర్ అవ్వడంతో ఇప్పుడు చేయబోయే వెబ్ సిరీస్ కి హిందీలో కూడా మంచి డిమాండ్ ఉండనుంది.
ప్రస్తుతం సందీప్ వంగ బాలీవుడ్ లో మరో చిత్రం కోసం సిద్ధమవుతున్న సంగతి తెలిసిందే. భారీ ప్రాజెక్ట్‌ కి సంబంధించి స్క్రిప్ట్ ను కూడా పూర్తి చేసుకుని ప్ర‌క‌టించ‌డానికి రెడీ అవుతున్న సమయంలో కరోనా రావడంతో సందీప్ ప్లాన్ మొత్తం తారుమారైపోయింది. లేకపోతే మరో బాలీవుడ్ స్టార్ తో సందీప్ మరో సినిమాని ప్రకటించేవాడు. ఇక విజయ్ దేవరకొండ ప్రస్తుతం డేర్ అండ్ డాషింగ్ డైరెక్టర్ పూరి జగన్నాథ్ దర్శకత్వంలో ‘ఫైటర్’ సినిమా చేస్తోన్నాడు. ఈ చిత్రాన్ని అన్ని దక్షిణ భాషలతో పాటు హిందీలో కూడా ఒకేసారి తెరకెక్కిస్తుండటం, పైగా మొదటిసారి పాన్ ఇండియా మూవీగా ఈ సినిమాని చేస్తోన్నాడు విజయ్ దేవరకొండ.