డాషింగ్ డైరెక్టర్ పూరి జగన్నాథ్.. లైగర్, డబుల్ ఇస్మార్ట్ వంటి డిజాస్టర్ల తర్వాత తన కొత్త సినిమా బెగ్గర్ ని విజయ్‌ సేతుపతి హీరోగా పూరి ప్రకటించాడు. ఇప్ప‌టి వ‌ర‌కూ పూరి నుంచి వచ్చిన అన్ని చిత్రాల కంటే.. ఈ సినిమా చాలా భిన్నంగా ఉండబోతుందట. తాజాగా ఈ సినిమా లాంగ్ షెడ్యూల్ కోసం పూరి కసరత్తులు చేస్తున్నాడు. ఈ షెడ్యూల్ లో విజయ్ సేతుపతి పై యాక్షన్ సీన్స్ తో పాటు ఓ సాంగ్ ను కూడా షూట్ చేస్తారని తెలుస్తోంది. ఈ సాంగ్ లో విజయ్ సేతుపతి క్యారెక్టర్ ఆర్క్ ను ఎస్టాబ్లిష్ చేస్తారట. ఈ సినిమాలో సంజయ్ దత్ ఓ కీలక పాత్రలో నటిస్తున్నట్లు తెలుస్తోంది. ఫ్లాష్ బ్యాక్ లో సంజయ్ దత్ కనిపిస్తాడని తెలుస్తోంది.

మొత్తానికి ఇప్ప‌టి వ‌ర‌కూ పూరి రాసిన స్క్రిప్ట్ లు అన్నింటికీ ఈ సినిమా స్క్రిప్ట్ చాలా బాగా వచ్చిందట. అన్నట్టు విజయ్ సేతుపతి పాత్రలో మూడు కోణాలు ఉంటాయట. మొత్తానికి, పూరి ఈ సారి కొత్తగా ట్రై చేస్తున్నాడు. ఐతే, పూరి జగన్నాథ్ దర్శకత్వంలో ఎనర్జిటిక్ స్టార్ రామ్ పోతినేని హీరోగా వచ్చిన “డబుల్ ఇస్మార్ట్” ఆశించిన స్థాయిలో పాజిటివ్ టాక్ ను తెచ్చుకోలేక పోయింది. ముఖ్యంగా పూరి గత సినిమాలతో పోల్చుకుంటే.. ఈ సినిమాలో బలమైన కంటెంట్ మిస్ అయ్యింది అంటూ కామెంట్స్ వినిపించాయి. ఈ నేపథ్యంలో పూరి, విజయ్ సేతుపతి కోసం ఎలాంటి కథను రాశాడో చూడాలి.