వెన్నెల కిషోర్ దర్శకుడిగా మారి చేయబోతున్న మొదటి చిత్రం ‘వెన్నెల వన్ అండ్ హాఫ్’ విడుదలకు సిద్ధమవుతుంది. ఈ చిత్రం పూర్తి వినోదాత్మకంగా తెరకెక్కుతుంది. దేవకట్ట డైరెక్షన్లో వచ్చిన ‘వెన్నెల’ చిత్రంలో కిషోర్ పోషించిన ఖాదర్ పాత్ర మీకు గుర్తుండే ఉంటుంది. ఈ చిత్రంలో ఖాదర్ మరియు అతని స్నేహితుడు చదువు కొనసాగించడానికి బ్యాంకాక్ వెళ్తారు. అక్కడ వాళ్ళకు ఎదురైనా పరితులేంటి, తదితర అంశాలతో పూర్తి వినోదాత్మకంగా తెరకెక్కించారు. బ్రహ్మానందం మరియు తాగుబోతు రమేష్ పై చిత్రీకరించిన కామెడీ ట్రాక్ సినిమాకి హైలెట్ అవుతుందని యూనిట్ వర్గాలు చెప్తున్నారు. సునీల్ కశ్యప్ సంగీతం అందించిన ఈ చిత్ర ఆడియో ఫిబ్రవరి 5న ఫిలిం నగర్లోని రావీ నారాయణ రెడ్డి ఫంక్షన్ హాల్లో జరగనుంది. చైతన్య కృష్ణ మరియు మోనాల్ గజ్జర్ ముఖ్య పాత్రలు పోషిస్తుండగా వెన్నెల కిషోర్ డైరెక్షన్ తో పాటు ఫుల్ లెంగ్త్ పాత్రలో నటిస్తున్నాడు. ఈ చిత్రాన్ని వాసు మరియు వర్మ నిర్మిస్తున్నారు.