సూపర్ స్టార్ రజినీకాంత్ హీరోగా నటించిన రీసెంట్ బ్లాక్ బస్టర్ హిట్ చిత్రాల్లో దర్శకుడు నెల్సన్ దిలీప్ కుమార్ తెరకెక్కించిన భారీ హిట్ చిత్రం “జైలర్” కూడా ఒకటి. తమిళ్ లోనే కాకుండా తెలుగు మార్కెట్ సహా ఓవర్సీస్ మార్కెట్ లో కూడా రికార్డు వసూళ్లు అందుకున్న ఈ చిత్రంకి సీక్వెల్ ఇపుడు తెరకెక్కిస్తున్న సంగతి తెలిసిందే.
మరి ఈ జైలర్ 2 లో మరింతమంది స్టార్ కాస్ట్ నటిస్తుండగా వీరితో పాటుగా పార్ట్ 1 లో కనిపించిన ప్రముఖ నటుడు వినాయకన్ కూడా ఉంటాడని తెలుస్తుంది. పార్ట్ 1 లో విలన్ గా మంచి పేరు తెచ్చుకున్న వినాయకన్ పార్ట్ 2 మొదలయ్యే లోపే ఎన్నో కాంట్రవర్సీలు ఎదుర్కోవాల్సి వచ్చింది.
మరి ఈ నటుడు కేవలం 2 రోజుల షూట్ లో పాల్గొన్నట్టుగా తెలుస్తుంది. పార్ట్ 1 లో తన రోల్ చనిపోయిన సంగతి తెలిసిందే. అయితే పార్ట్ 2 లో ఫ్లాష్ బ్యాక్ ఎపిసోడ్స్ లో ఈ కాంట్రవర్సియల్ నటుడు కనిపిస్తాడట. మరి దీనిపై మరింత క్లారిటీ రావాల్సి ఉంది.
