పవర్ స్టార్ పవన్ కళ్యాణ్ లేటెస్ట్ సెన్సేషన్ ఓజీ కోసం ప్రేక్షకులు ఎంతో ఆసక్తిగా చూస్తున్నారు. ఈ సినిమాకు సంబంధించి ఎలాంటి వార్త వచ్చినా, దాన్ని ఫాలో అవుతూ నెట్టింట సందడి చేస్తున్నారు. ఇక ఓజీ చిత్రంలో భారీ క్యాస్టింగ్ నటిస్తున్న సంగతి తెలిసిందే. ఈ సినిమాలో ప్రముఖ నటుడు కమ్ డైరెక్టర్ రాహుల్ రవీంద్రన్ కూడా నటిస్తున్నాడు.
ఓజీ ట్రైలర్‌ను పరిశీలిస్తే, ఓ ఫ్రేమ్‌లో ప్రకాశ్ రాజ్ పక్కన రాహుల్ రవీంద్రన్ కనిపిస్తాడు. ఇదే విషయాన్ని ఓ అభిమాని సోషల్ మీడియా వేదికగా ప్రశ్నించాడు. రాహుల్ కూడా ఈ సినిమాలో నటిస్తున్నారా..? అని అభిమాని ప్రశ్నించగా.. దానికి ఆయన సమాధానం ఇచ్చారు. ఓజీ చిత్రంలో ఓ చక్కటి పాత్రలో నటించానని.. అయితే, ఫైనల్ ఎడిటింగ్‌లో ఆ పాత్రను తొలగించారని ఆయన చెప్పుకొచ్చారు.
దర్శకుడి నిర్ణయానికి తాను ఎప్పుడూ ఓకే చెబుతానని.. అయినా, ఇలాంటి సినిమాలో నటించే అవకాశం రావడం సంతోషంగా ఉందని ఆయన చెప్పుకొచ్చారు. మొత్తానికి ఓజీ ఫీవర్‌తో ఆసక్తికర విషయాలు కూడా వెలుగులోకి వస్తున్నాయి.