సూపర్ స్టార్ మహేష్ బాబు హీరోగా ప్రియాంక చోప్రా హీరోయిన్ గా గ్లోబల్ దర్శకుడు ఎస్ ఎస్ రాజమౌళి తెరకెక్కిస్తున్న సెన్సేషనల్ చిత్రం కోసం అందరికీ తెలిసిందే. గ్లోబ్ ట్రాటర్ గా వస్తున్న ఈ భారీ చిత్రంకి సంబంధించి గ్రాండ్ ఈవెంట్ ఈ 15న జరగనుండగా ఈ ఈవెంట్ కి ముందు జక్కన్న ఫ్యాన్స్ కి ఓ క్రేజీ అప్డేట్ ని అందించారు. ప్రస్తుతం ముగ్గురిపై క్లైమాక్స్ షూట్ చేస్తూనే గ్లోబ్ ట్రాటర్ ఈవెంట్ సన్నాహాలు కూడా చూస్తున్నామని తెలిపారు.

అంతే కాకుండా ఎవరూ ఊహించనిది తాము ప్లాన్ చేస్తున్నట్టు తాను తెలిపారు. ఇక అంతకు ముందు ఈ వారంలో వరుస అప్డేట్స్ ఉంటాయని జక్కన్న కన్ఫర్మ్ చేశారు. అలానే ఈరోజు నటుడు పృథ్వీరాజ్ సుకుమారన్ తాలూకా ఫస్ట్ లుక్ ని నేడే విడుదల చేస్తున్నట్టుగా కన్ఫర్మ్ చేశారు. మరి ఇదెలా ఉంటుందో చూడాలి. ఇక ఈ సర్ప్రైజింగ్ అప్డేట్ తో అభిమానులు మరింత ఎగ్జైట్ అవుతున్నారు.