యంగ్ టైగర్ ఎన్టీఆర్ నటిస్తున్న హై వోల్టేజ్ మాస్ యాక్షన్ ఎంటర్టైనర్ ‘దమ్ము’ ఈ వారం ఏప్రిల్ 27న విడుదలకు సిద్ధమవుతుండగా ఈ చిత్రం పై అటు అభిమానుల్లోనే కాకుండా సినీ అభిమానుల్లో కూడా భారీ అంచనాలున్నాయి. ఎందుకంటే ఈ చిత్రం బోయపాటి శ్రీను – ఎన్టీఆర్ కాంబినేషన్లో తెరకెక్కింది. విశ్వసనీయ సమాచారం ప్రకారం ఎన్టీఆర్ వేసిన డాన్సులు అభిమానులని అలరిస్తాయని చెబుతున్నారు. మరీ ముఖ్యంగా రెండు పాటల్లో మాత్రం ముందు వరుసలో ఉండే అభిమానులతో డాన్సు వేయించే స్థాయిలో ఉన్నాయని సమాచారం. ఇటీవలే సెన్సార్ కార్యక్రమాలు పూర్తి చేసుకుని ఎ సర్టిఫికేట్ దక్కించుకున్న ఈ చిత్రానికి ఎమ్.ఎమ్. కీరవాణి సంగీతం అందించాడు. క్రియేటివ్ కమర్షియల్స్ బ్యానర్ పై వల్లభ నిర్మిస్తున్న ఈ చిత్రాన్ని కె.ఎస్ రామారావు సమర్పిస్తున్నారు.