ఎస్.ఎస్ రాజమౌళి దర్శకత్వంలో వచ్చిన ‘ఈగ’ సినిమాలో తన విలనిజంతో ప్రేక్షకులను అబ్బురపరిచిన కన్నడ నటుడు సుదీప్ మరోసారి మన జక్కన్న దర్శకత్వంలో కలిసిపనిచెయ్యనున్నాడు. తాజా సమాచారం ప్రకారం సుదీప్ రాజమౌళి ప్రతిష్టాత్మక ప్రాజెక్ట్ అయిన ‘బాహుబలి’ సినిమాలో నటిస్తున్నాడని వార్తలొచ్చాయి. ఈ వార్త ఇంకా ఖరారు కాలేదు కానీ సుదీప్ మాత్రం తనకు తెలుగులో భారీ విజయాన్ని అందించిన జక్కన్నతో కలిసి పనిచెయ్యడానికి ఉవ్విలూరుతున్నాడు . “‘బాహుబలి’ షూటింగ్ ఒక గొప్ప అనుభవం, అద్భుతానికే అద్భుతం.. మరోసారి రాజమౌళితో కలిసి పనిచెయ్యడం నా అదృష్టం” అని ట్వీట్ చేసాడు. ‘ఈగ’ సినిమాలోనే కాక సుదీప్ ఈ మధ్యే ‘యాక్షన్ 3డి’ లో సైతం ఒక విభిన్న పాత్రలో నటించాడు.
ప్రభాస్, అనుష్క మరియు రానా నటిస్తున్న ‘బాహుబలి’ అతనికి తెలుగులో నేరుగా 3వ చిత్రం కానుంది. ఈ చిత్రాన్ని అర్క మీడియా వర్క్స్ బ్యానర్ పై శోభు యార్లగడ్డ, ప్రసాద్ దేవినేని నిర్మిస్తున్నారు