దర్శక ధీరుడు రాజమౌళి డైరెక్షన్ లో రాబోతున్న అత్యున్నత భారీ మల్టీస్టారర్ ‘రౌద్రం రణం రుధిరం’ సినిమా షూటింగ్ ఈ రోజు హైదరాబాద్ లో మొదలైన సంగతి తెలిసిందే. కాగా ఈ రోజు షూట్ లో ఎన్టీఆర్ తో పాటు రాహుల్ రామకృష్ణ కూడా పాల్గొన్నట్లు తెలుస్తోంది. తారక్ – రాహుల్ రామకృష్ణ పై కీలక సన్నివేశాన్ని షూట్ చేస్తున్నారట. రాహుల్ ఎన్టీఆర్ కి ఫ్రెండ్ రోల్ లో నటించబోతున్నాడు.
కాగా ఎన్టీఆర్ కి ఫ్రెండ్ అంటే.. రాహుల్ ది ట్రైబ్ క్యారెక్టరే. పైగా ఎక్కువ సీన్స్ లో కనిపిస్తాడట. ఇక ఈ చిత్రంలో ఎన్టీఆర్ కొమరం భీం పాత్రలో కనిపించబోతున్న సంగతి తెలిసిందే. ధృడంగా ఉండే కొమరం భీం రోల్ కోసం ఎన్టీఆర్ కఠినమైన కసరత్తులు కూడా చేశాడు. అయితే తారక్ ఫస్ట్ లుక్ వీడియో ఎప్పుడు రిలీజ్ అవుతుందో ? ఆ వీడియోలో ఎన్టీఆర్ ఎలా కనిపించబోతున్నాడు ? అని ఫ్యాన్స్ ఆసక్తిగా ఎదురుచూస్తున్నారు.
డీవీవీ ఎంటెర్టైన్మెంట్స్ పతాకం ఫై దానయ్య ఈ సినిమాని నిర్మిస్తున్నారు. ఈ చిత్రానికి కీరవాణి సంగీతం అందిస్తున్నారు. కాగా ‘బాహుబలి’ తరవాత రాజమౌళి చేస్తున్న సినిమా కావడంతోపైగా ఇద్దరు స్టార్ హీరోలు కలిసి మొదటిసారి నటిస్తుండటంతో ఈ మల్టీస్టారర్ పై ఆరంభం నుండి భారీ స్థాయిలో అంచనాలు ఉన్నాయి.