‘హృదయ కాలేయం’ సినిమా హీరో సంపూర్ణేష్ బాబు, ఆ సినిమా దర్శకుడు స్టీవెన్ శంకర్ లపై దాడి జరిగింది. ఈ దాడిలో వీరిద్దరికి గాయాలయ్యాయని సమాచారం. గాయపడిన వీరిద్దరినీ ఆసుపత్రికి తరలించారు. దాడికి సంబంధించి మాదాపూర్ పోలీస్ స్టేషన్ లో కేసు నమోదైంది.
హైదరాబాద్ కూకట్ పల్లిలోని ఓ హోటల్ లో ఓ గ్రూప్ కు దర్శకుడికి వాగ్వాదం చోటు చేసుకున్నట్టు సమాచారం. ఆ గొడవలో దర్శకుడు స్టివెన్ శంకర్ పై, అక్కడే ఉన్న సంపూ్ణేష్ బాబుపై కూడా మనోజ్ అనే వ్యక్తితోపాటు ఇతర వ్యక్తులు కూడా దాడి చేసినట్టు తెలిసింది. ఈ దాడిలో స్టీవెన్ శంకర్ కు గాయాలైనట్టు తెలిసింది. దాడికి పాల్పడిన నిందితుడు మనోజ్ ను పోలీసుల అదుపులో తీసుకుని విచారిస్తున్నారు.
ఇక, గత శుక్రవారం విడుదలైన ‘హృదయ కాలేయం’ సినిమా మంచి పబ్లిసిటీ సొంతం చేసుకుని థియేటర్లలో సందడి చేస్తోంది.