కమల్ హాసన్ సూపర్ హిట్ చిత్రాల్లో ‘వెట్టైయాడు విలైయాడు’ కూడా ఒకటి. గౌతమ్ మీనన్ దర్శకత్వంలో రూపొందిన ఈ చిత్రం తెలుగులో ‘రాఘవన్’ పేరుతో విడుదలై మంచి విజయాన్ని అందుకుంది. పూర్తిస్థాయి క్రైమ్ ఇన్వెస్టిగేటివ్ థ్రిల్లర్ జానర్లో రూపొందిన ఈ చిత్రానికి చాలామందే అభిమానులున్నారు. ఇప్పుడు ఈ చిత్రానికి సీక్వెల్ రూపొందనుందనే వార్తలు మొదలయ్యాయి.
తాజాగా కమల్, గౌతమ్ మీనన్ ఒక సినిమా ఈవెంట్లో కలుసుకుని మాట్లాడుకున్నారు. దీంతో ఈ రూమర్లు మొదలయ్యాయి. వీరిద్దరూ చర్చించుకుంది సీక్వెల్ గురించేనని, త్వరలో ప్రకటన వస్తుందని సోషల్ మీడియాలో జోరుగా ప్రచారం జరుగుతోంది. అయితే ఈ వార్తల గురించి ఆరా తీయగా వాటిలో ఎలాంటి నిజం లేదని, అవన్నీ పుకార్లేనని తేలింది. ప్రస్తుతం కమల్ ‘ఇండియన్ 2’ చిత్రీకరణలో బిజీగా ఉండగా గౌతమ్ మీనన్ పలు కొత్త ప్రాజెక్ట్స్ చేసేందుకు సిద్దమవుతున్నారు.