మాస్ డైరెక్టర్ బోయపాటి శ్రీను దర్శకత్వంలో బాలయ్య బాబు హీరోగా రాబోతున్న సినిమా నుండి ఇప్పటికే అనేక రకాలుగా చాల రూమర్స్ సోషల్ మీడియాలో వినిపిస్తూనే ఉన్నాయి. అలాగే ఈ సినిమాలో యంగ్ హీరో నవీన్ చంద్ర కూడా ఓ కీలక పాత్రలో నటిస్తున్నాడని గత కొన్ని రోజులుగా ఒక రూమర్ వినిపిస్తోంది. అయితే నవీన్ చంద్ర ఈ సినిమాలో నిజంగానే నటిస్తున్నాడట. ఒక రౌడీ ఎమ్మెల్యేగా నవీన్ చంద్ర కనిపిస్తాడని.. అతను పాత్ర పూర్తిగా నెగిటివ్ గా ఉంటుందని బూతులు మాట్లాడుతూ ఉంటుందని తెలుస్తోంది.
ఇక నవీన్ చంద్ర, ఎన్టీఆర్ ‘అరవింద సమేత’ సినిమాలోనూ నటించిన సంగతి తెలిసిందే. ఇక ఈ సినిమాతో ఓ కొత్త హీరోయిన్ ను పరిచయం చేయబోతున్నామని.. ఇప్పటికే ఇద్దరిని షార్ట్ లిస్ట్ చేసామని.. సరైన టైమ్ లో వాళ్లలో ఒకరిని హీరోయిన్ గా పరిచయం చేయబోతున్నామని బోయపాటి రీసెంట్ గా ఇచ్చిన ఇంటర్వ్యూలో తెలిపారు.
ఈ చిత్రాన్ని మిర్యాల రవీందర్ రెడ్డి నిర్మించనుండగా తమన్ సంగీతం సమకూరుస్తున్నారు. బాలయ్యకు ‘సింహ’ రూపంలో పెద్ద హిట్ ఇచ్చిన బోయపాటి ఆ తర్వాత దాన్ని మించి ‘లెజెండ్’ విజయాన్ని అందించారు. కాబట్టి ఈసారి ‘లెజెండ్’ను మించిన హిట్ పడాలని ఫ్యాన్స్ ఆశిస్తున్నారు. బాలయ్య కూడా జయాపజయాలతో సంబంధం లేకుండా వరుస సినిమాలతో ఫుల్ బిజీ అవుతున్నారు. త్వరలోనే ఈ సినిమా షూటింగ్ ను స్టార్ట్ చేయనున్నారు.