రానా తమిళ్లో చేయబోయే మొదటి చిత్రం ‘వాడ చెన్నై’ నుండి తప్పుకున్నట్లు సమాచారం. నేషనల్ అవార్డు గ్రహీత వెట్రి మారన్ దర్శకత్వం వహించనున్న ఈ చిత్రంలో శింబు, రానా, ఆండ్రియా జెరిమియా నటించాల్సి ఉండగా, రానా ఈ చిత్రంతో తమిళంలో అడుగుపెట్టబోతున్నందుకు ఆనందం కూడా వ్యక్తం చేసారు. రానా ఈ చిత్రం నుండి ఎందుకు తప్పుకున్నదీ మాత్రం ఇంకా తెలియరాలేదు. ఈ విషయాన్నీ రానా స్వయంగా తన ట్విట్టర్ అకౌంటులో తెలిపారు. ప్రస్తుతం ‘నా ఇష్టం’ చిత్రానికి డబ్బింగ్ చెబుతున్న రానా ముంబై వెళ్లి రామ్ గోపాల్ వర్మ డైరెక్షన్లో వస్తున్న ‘డిపార్ట్మెంట్’ చిత్ర షూటింగ్లో పాల్గొననున్నాడు.