ప్రస్తుతం టాలీవుడ్లో ఉన్న యువ హీరోలలో డాన్సులు చేయడంలో తనకంటూ ప్రత్యేక గుర్తింపు తెచ్చుకున్న రామ్ త్వరలో రానున్న ‘ఎందుకంటే ప్రేమంట’ సినిమాలో కూడా డాన్సులు అదరగొట్టాడని సమాచారం. ఇప్పటి వరకు విడుదలైన ట్రైలర్స్ బట్టి చూస్తే కూడా ఈ విషయం అర్ధమవుతుంది. ప్రస్తుతం పోస్ట్ ప్రొడక్షన్ పనుల్లో బిజీగా ఉన్న ఈ చిత్రం జూన్ నెలలో విడుదలకు సిద్ధమవుతుంది. రామ్ సరసన తమన్నా నటించిన ఈ చిత్రానికి జివి ప్రకాష్ కుమార్ సంగీతం అందించాడు. ఇటీవలే ఈ చిత్ర ఆడియో విడుదలైంది. కరుణాకరన్ దర్శకత్వం వహించిన ఈ చిత్రాన్ని స్రవంతి రవి కిషోర్ నిర్మించారు.