గ్లోబల్ స్టార్ రామ్ చరణ్ ప్రస్తుతం ‘పెద్ది’ చిత్ర షూటింగ్‌తో బిజీగా ఉన్న సంగతి తెలిసిందే. అయితే, ఆయన ఇటీవల తన ఫ్యామిలీతో కలిసి వెకేషన్‌కు వెళ్లి వచ్చాడు. కాగా, ఇప్పుడు ఆయన తెలంగాణ రాష్ట్ర ప్రభుత్వం నిర్వహించబోయే ఓ అవగాహన కార్యక్రమానికి హాజరుకానున్నట్లు తెలుస్తోంది.
తెలంగాణ రాష్ట్ర ప్రభుత్వం నిర్వహిస్తున్న అంతర్జాతీయ డ్రగ్స్ దుర్వినియోగం మరియు అక్రమ రవాణా వ్యతిరేక దినోత్సవ కార్యక్రమానికి రామ్ చరణ్ గెస్టుగా రానున్నారు. ఈ కార్యక్రమాన్ని తెలంగాణ ప్రభుత్వం జూన్ 26న సాయంత్రం 4 గంటల నుంచి హైదరాబాద్‌లోని శిల్ప కళా వేదికలో నిర్వహించనుంది.
ఈ కార్యక్రమంలో రామ్ చరణ్ ఎలాంటి లుక్‌తో కనిపిస్తాడా అని అభిమానులు ఆసక్తిగా చూస్తున్నారు. ఇక ఇదే కార్యక్రమంలో మరో స్టార్ హీరో విజయ్ దేవరకొండ కూడా హాజరుకానున్నట్లు తెలుస్తోంది.
