రామ్ చరణ్, కాజల్ అగర్వాల్, అమల పాల్ ముఖ్య పాత్రల్లో నటిస్తున్న ‘నాయక్’ చిత్ర బృందం ఇటీవలే కలకత్తా షెడ్యూల్ పూర్తి చేసుకుని వచ్చిన విషయం తెలిసిందే. వివి వినాయక్ డైరెక్షన్లో తెరకెక్కుతున్న నాయక్ హైదరాబాద్ పరిసర ప్రాంతాల్లో షూటింగ్ జరుపుకుంటుంది. ఈ చిత్రం కోసం సారధి స్టూడియోలో ప్రత్యేక సెట్ వేసి షూటింగ్ చేయనున్నారు. అలాగే ఈ చిత్ర నైజాం ఏరియా హక్కులు సిరి మీడియా సంస్థ దక్కించుకున్నట్లు విశ్వసనీయ వర్గాల సమాచారం. అదే విధంగా ఈ చిత్ర ఫస్ట్ లుక్ టీజర్ ని దీపావళి కానుకగా నవంబర్ 13న విడుదల చేయబోతున్నారు. ఆడియో కూడా అదే నెలలో విడుదల చేసి సినిమాని సంక్రాంతి కానుకగా విడుదల చేయనున్నారు.