రజిని కాంత్ మరియు కమల్ హాసన్ మూడు దశాబ్దాలుగా స్నేహితులు అన్న విషయం తెలిసిందే. కె బాల చందర్ దర్శకత్వంలో రజిని కాంత్ తెరంగేట్రం చేసిన చిత్రం “అపూర్వ రాగంగల్” లో కమల్ హాసన్” ప్రధాన పాత్ర పోషించిన విషయం కూడా తెలిసిందే.తరువాత రజినీకాంత్ పెద్ద తార అయ్యే వరకు ఇద్దరు కలిసి చాలా చిత్రాలు చేశారు. వీరిద్దరు కలిసి చిత్రం చెయ్యనున్నారు అని పలుమార్లు పుకార్లు వచ్చాయి. ఈ మధ్య కమల్ హాసన్ ని దీని గురించి అడుగగా ఆ పుకార్లను ఖండించారు “నేను మరియు రజిని కలిసి చిత్రం చెయ్యడం అంటే చాలా ఖర్చుతో కూడిన పని, దక్షిణాదిన నిర్మాత తట్టుకోగలడు అని అనుకోవట్లేదు. అది జరగదు అనే అనుకుంటున్నాను” అని అన్నారు. రజినికాంత్ ఎంపిక చేసుకున్న చిత్రాలే చేస్తున్నారు. సౌందర్య రజినీకాంత్ దర్శకత్వంలో “కోచ్చాదియాన్” చిత్రాన్ని చేస్తున్నారు. దీని తరువాత కె వి ఆనంద్ దర్శకత్వంలో ఒక చిత్రంలో నటించే అవకాశం ఉంది. ఇదిలా ఉండగా కమల్ హాసన్ తన రాబోతున్న చిత్రం “విశ్వరూపం” ప్రమోషన్ మీద పూర్తిగా దృష్టి సారించారు. త్వరలో అయన హాలీవుడ్ లో అరంగేట్రం చెయ్యనున్నారు.