ప్రముఖ దర్శకుడు ఎస్ ఎస్ రాజమౌళి సూపర్ స్టార్ మహేష్ బాబు నటించిన ‘1 – నేనొక్కడినే’ సినిమాపై ప్రశంసలు కురుపించారు. ఈ సైకలాజికల్ థ్రిల్లర్ సినిమాకి సుకుమార్ దర్శకత్వం వహించారు. ఈ సినిమాలో మహేష్ బాబు రాక్ స్టార్ రోల్ లో నటించాడు. అతను గతంలో జరిగిపోయిన నిజాల గురించి వెతుకుతువుంటాడు. ఈ సినిమాలో మహేష్ బాబు సరసన కృతి సనన్ నటించింది. ఈ సినిమా చూసిన తరువాత ఎస్ ఎస్ రాజమౌళి ట్వీట్ చేశారు. ‘ రివ్యూ రాసిన వారు సినిమాతో సంబంధం లేకుండా రాశారు. ఈ సినిమా చూసి నేను చాలా ఎంజాయ్ చేశాను (చేజింగ్ సన్నివేశాలు తప్ప). మరొకసారి సుకుమార్ నా ఫేవరట్ అయ్యాడు. దేవీ శ్రీ ప్రసాద్ బ్యాక్ గౌండ్ మ్యూజిక్, రత్నవేల్ విజువల్స్ చాలా బాగున్నాయి. ఇప్పటి వరకు మహేష్ సినిమాల్లో నాజర్ చనిపోవడం, కెల్లీ చనిపోవడం, తల్లిదండ్రుల కోసం వెతికే సన్నివేశాలు నా బెస్ట్ మూమెంట్స్ . ఇప్పటివరకు మిగతా సినిమాల్లో మహేష్ బాబు చేసిన దానికంటే ఈ సినిమాలో అతని పెర్ఫార్మెన్స్ బాగుంది. ఇప్పటి వరకు నాకు మహేష్ బాబు నటించిన ‘పోకిరి’లో నాజర్ మరణం అప్పుడు వచ్చే సన్నివేశాలలోని పెర్ఫార్మెన్స్ బాగుంది. కానీ వన్ క్లైమాక్స్ దానికన్న బాగుంది’. అనిట్వీట్ చేశాడు. ఈ సినిమా రికార్డు థియేటర్స్ లో జనవరి 10న విడుదలైంది. 14 రీల్స్ ఎంటర్టైన్మెంట్ నిర్మించిన ఈ సినిమాకి దేవీ శ్రీ ప్రసాద్ సంగీతాన్ని అందించాడు.
