పవర్ స్టార్ పవన్ కళ్యాణ్ ప్రస్తుతం త్రివిక్రమ్ దర్శకత్వం వహిస్తున్న ‘సరదా’ సినిమాలో నటిస్తున్నాడు. ఈ సినిమాలో పవన్ కళ్యాణ్ డ్రైవర్ గా కనిపించనున్నాడని సమాచారం. ఈ సినిమాలో పవన్ కళ్యాణ్ పాత్ర కూల్ గా, కామెడీగా ఉండనుంది. ఈ సినిమా షూటింగ్ వేగంగా జరుగుతోంది. సమంత హీరోయిన్ గానటిస్తున్న ఈ సినిమాలో బాలీవుడ్ నటుడు బొమన్ ఇరానీ ఒక ముఖ్య పాత్రని చేయనున్నాడు. ‘మిర్చి’ సినిమాలో ప్రభాస్ తల్లిగా నటించిన నదియా కూడా ఈ సినిమాలో నటిస్తోంది. ఫ్యామిలీ డ్రామాగా బివిఎస్ఎన్ ప్రసాద్ నిర్మిస్తున్న ఈ సినిమాకి దేవీ శ్రీ ప్రసాద్ సంగీతాన్ని అందిస్తున్నాడు. ఈ సినిమా 2013 సెకండాఫ్ లో విడుదల చేసే అవకాశం ఉంది.