పవర్ స్టార్ పవన్ కళ్యాణ్ సినిమాల్లోకి రీఎంట్రీ ఇస్తూనే వకీల్ సాబ్, అలాగే క్రిష్ దర్శకత్వంలో మరో పిరియాడిక్ మూవీ చేస్తున్నాడు. కరోనా రాకపోయి ఉంటే ఈ పాటికి హరీష శంకర్ దర్శకత్వంలోనూ ఒక సినిమా మొదలయ్యేది. కానీ కరోనా రాకతో వకీల్ సాబ్, అండ్ క్రిష్ సినిమాల షూట్స్ ఆగిపోయాయి. అయితే తాజాగా సినీ వర్గాల సమాచారం ప్రకారం ఈ సినిమాల షూటింగ్ బ్యాలెన్స్ పార్ట్ ను అక్టోబర్ 26న నుండి మొదలుపెట్టి డిసెంబర్ కల్లా పూర్తి చేయాలని దాదాపు రెండు సినిమాల కోసం రెండు నెలలు టైంను పవన్ కేటాయించాడని తెలుస్తోంది.
అయితే ముందుగా వకీల్ సాబ్ షూట్ ను నాన్ స్టాప్ గా చిత్రీకరణ జరిపి సంక్రాంతి పండుగ కానుకగా రిలీజ్ చేయాలనుకుంటున్నారు. ఇక దిల్ రాజు నిర్మిస్తున్న వకీల్ సాబ్ సినిమాలో శృతి హాసన్ గెస్ట్ రోల్ చేస్తోంది. అలాగే నివేదా థామస్, అనన్య నాగళ్ళ, అంజలి ప్రధాన పాత్రల్లో నటిస్తున్నారు. అలాగే క్రిష్ – పవన్ సినిమా డిసెంబర్ లో నుంచి మళ్ళీ సెట్స్ మీదకి వెళ్ళనుంది. వచ్చే విజయదశమి పండుగ కానుకగా ఈ సినిమాని రిలీజ్ చేసే అవకాశాలున్నాయని సమాచారం. క్రిష్ ఈ సినిమాని పీరియాడికల్ బ్యాక్ డ్రాప్ లో తెరకెక్కిస్తున్నాడని.. పవన్ రాబిన్ హుడ్ తరహా పాత్రలో కనిపిస్తారని తెలుస్తోంది.