పవర్ స్టార్ పేరుతో పవన్ కళ్యాణ్ ఉద్దేశిస్తూ వర్మ చేసిన మూవీ ఎన్ని వివాదాలకు తెరలేపిందో తెలిసిందే. చివరకు వర్మ ఆఫీస్ పై పవన్ కళ్యాణ్ ఫ్యాన్స్ దాడి చేయడం జరిగింది. డిజిటల్ విడుదల కావడంతో వర్మ పని పూర్తి అయ్యింది. ఆ మూవీ విడుదల తరువాత వర్మపై పవన్ ఫ్యాన్స్ కి కోపం తగ్గింది. కాగా వర్మ మెగా ఫ్యామిలీకి చెందిన నిర్మాత అల్లు అరవింద్ పై మూవీకి సిద్ధం అవుతున్నాడని, సమాచారం. అలాగే ఆ మూవీకి టైటిల్ గా బావ రాజ్యం అనే టైటిల్ కూడా అనుకుంటున్నాడనే న్యూస్ చక్కర్లు కొడుతుంది.
2009 లో చిరంజీవి ప్రజారాజ్యం పార్టీ పెట్టినప్పుడు, ఆ పార్టీలో కీలక పాత్రను అల్లు అరవింద్ పోషించారు . నియోజకవర్గాల సీట్ల సర్దుబాటు, అభ్యర్థుల ఎంపిక వంటి అనేక విషయాలు ఆయన నెరవేర్చడం జరిగింది. ఈ నేపథ్యంలోనే వర్మ బావరాజ్యం మూవీ తెరకెక్కనుందని వినికిడి. మరి ఇదే విషయంపై మూవీ చేస్తే వర్మ మరో సంచలనానికి తెరలేపడం ఖాయం.