మాస్ కా దాస్ విశ్వక్ సేన్ నటిస్తున్న లేటెస్ట్ మూవీ ‘లైలా’ ఇప్పటికే ప్రేక్షకుల్లో మంచి బజ్‌ను క్రియేట్ చేసింది. ఈ సినిమాలో విశ్వక్ తొలిసారి ఓ లేడీ గెటప్‌లో నటిస్తుండటంతో సినీ ప్రేమికుల్లో సైతం ఈ మూవీపై అంచనాలు ఏర్పడ్డాయి. ఇక ఈ మూవీపై అంచనాలను పెంచేస్తూ ఈ చిత్ర పోస్టర్స్, సాంగ్స్, టీజర్.. ఇలా అన్ని ఆకట్టుకునేలా ఉన్నాయి. అయితే, ఇప్పుడు ఈ సినిమాలోని ఓ మాస్ సాంగ్‌ను తాజాగా రిలీజ్ చేశారు మేకర్స్.
‘ఓహో రత్తమ్మ’ అంటూ సాగే ఈ మాస్ ఫోక్ సాంగ్‌ను పెంచల్ దాస్ రచించి పాడారు. ఆయనతో పాటు మధుప్రియ కూడా ఈ సాంగ్ పాడింది. ఇక ఈ పాటకు లియోన్ జేమ్స్ అందించిన మాస్ బీట్స్ పక్కా డ్యాన్స్ నెంబర్‌గా ఈ పాటను నిలిపింది. కాగా ఈ పాటలో ప్రస్తుతం సోషల్ మీడియాలో తెగ ట్రెండ్ అవుతున్న ‘కోయ్.. కోయ్..’ అనే ట్రాక్ కూడా వాడారు. దీంతో సోషల్ మీడియాలో ఈ సాంగ్‌కు అదిరిపోయే రెస్పాన్స్ రావడం ఖాయమని చిత్ర యూనిట్ ధీమా వ్యక్తం చేస్తోంది.
ఈ సినిమాలో ఆకాంక్ష శర్మ హీరోయిన్‌గా నటిస్తోంది. ఈ చిత్రాన్ని రామ్ నారాయణ్ డైరెక్ట్ చేస్తుండగా షైన్ స్క్రీన్స్ బ్యానర్‌పై సాహు గారపాటి ప్రొడ్యూస్ చేస్తున్నారు. ‘లైలా’ చిత్రాన్ని ప్రేమికుల రోజు కానుకగా ఫిబ్రవరి 14న గ్రాండ్ రిలీజ్‌కు రెడీ చేస్తున్నారు.
వీడియో కోసం ఇక్కడ క్లిక్ చేయండి
